سندھ کے ہر محکمے میں کرپشن کا راج ہے، ڈاکٹر شہباز گِل

وریشہ مسعود

23rd Nov, 2020. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ کے ہر محکمے میں کرپشن کا راج ہے، ڈاکٹر شہباز گِل

معاون خصوصی برائے سیاسی ابلاغ ڈاکٹر شہباز گِل نے کہا ہے کہ سندھ کے ہر محکمے میں کرپشن کا راج ہے۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مرتضٰی وہاب کے بیان پر ردعمل دیتے ہوئے کہا کہ بلاول زرداری کے حکم پر صرف بلاول ہاؤس میں ترقیاتی کام ہوتے ہیں لیکن سندھ میں عوام کو پینے کا صاف پانی تک میسر نہیں۔

ڈاکٹر شہباز گِل نے کہا کہ تھر میں ایشیا کا سب سے بڑا آر او پلانٹ بھی ناکارہ ہوگیا جبکہ تین صوبوں سے شکست کھانے کے بعد گلگلت کی عوام نے بھی آپ کو مسترد کر دیا۔

معاون خصوصی برائے سیاسی ابلاغ نے یہ بھی کہا کہ سندھ میں تعلیم، صحت عوام کے لئے بنیادی سہولیات ناپید ہوچکی ہیں۔

ڈاکٹر شہباز گِل کا کہنا تھا کہ بلاول زرداری جلسوں کے بجائے سندھ کی عوام کے مسائل حل کرائیں جبکہ بقیہ صوبوں کی طرح سندھ سے بھی آپ کا خاتمہ یقینی ہے۔

معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ سندھ حکومت نے بارہ سالوں میں کراچی میں ایک بس بھی نہیں چلائی جبکہ وفاق نے کورونا وبا میں سندھ کی عوام میں 60 ارب روہے تقسیم کئے اور وفاق نے کراچی سرکل ریلوے چلا کر عوام کا دیرینہ مطالبہ پورا کیا ہے۔