معاون خصوصی برائے اطلاعات فردوس عاشق اعوان نے کہا ہے کہ اپوزیشن جماعتوں کو چاہیے قانون کو فالو کریں بلاجواز مناسب نہیں۔

تفصیلات کے مطابق وزیراعلی پنجاب کی معاون خصوصی برائے اطلاعات فردوس عاشق اعوان نے پنجاب سول سیکرٹریٹ کا دورہ کیا اور سیکرٹری اطلاعات راجہ جہانگیر سے ملاقات کی۔

ملاقات میں پنجاب حکومت کی کارکردگی کو مثبت انداز میں سامنے لانے  کی حکمت عملی پر تبادلہ خیال کیا گیا۔

اس موقع پر سیکرٹری اطلاعات راجہ جہانگیر نے اطلاعات سمیت دیگر اہم امور پر تفصیلی بریفنگ دی۔

معاون خصوصی برائے اطلاعات فردوس عاشق اعوان نے کہا کہ وزیراعلی پنجاب سردار عثمان بزدار نے عمران خان کے ویژن پر عملدرآمد کےلئے بڑے اقدامات اٹھائے اور دوسالوں میں بہترین کارکردگی دیکھائی۔

معاون خصوصی برائے اطلاعات کا کہنا تھا کہ پنجاب میں عوام کو سہولیات کی فراہمی کے لئے پنجاب حکومت نے جو اقدامات کئے وہ قابل تعریف ہیں۔

فردوس عاشق اعوان کا یہ بھی کہنا تھا کہ پنجاب کے تمام محکموں کی کارکردگی سے متعلق معلومات سب کےسامنے رکھیں گے۔

معاون خصوصی برائے اطلاعات فردوس عاشق اعوان کا مزید کہنا تھا کہ پنجاب میں کورونا کے بڑھتے ہوئے کیسز کو دیکھتے ہوئے کچھ فیصلے لئے جس پر ہر صورت عملدرآمد کروایا جائے گا۔