وفاقی وزیر منصوبہ بندی ترقی اسد عمر سے راولپنڈی چیمبر کے نو منتخب صدر محمد ناصر مرزا کی سربراہی میں وفد کی ملاقات ہوئی ہے۔

ملاقات میں وفد نے وفاقی وزیر اسد عمر کو مختلف کاروباری اداروں کو درپیش مسائل سے آگاہ کیا جبکہ خصوصی اقتصادی زون میں بزنس کمیونٹی کی شمولیت سے متعلق بھی آگاہ کیا۔

اس موقع پر وفاقی وزیر برائے منصوبہ بندی اسد عمر کی راولپنڈی چیمبر آف کامرس کے نو منتخب صدر محمد ناصر مرزا اور تمام قیادت کو شاندار کامیابی پر مبارکباد دی۔

وفاقی وزیر اسد عمر نے تاجر برادری کے مفادات کو فروغ دینے پر راولپنڈی چیمبر آف کامرس کی کوششوں کو سراہا جبکہ وفد کی مختلف سفارشات پر مناسب غور کئے جانے کی یقین دہانی بھی کرائی۔

ملاقات میں وفاقی وزیر منصوبہ بندی ترقی اسد عمر نے وفد سے ملک کے نسبتاً کم ترقی یافتہ علاقوں میں سرمایہ کاری کرنے اور انکی لوکل انڈسٹری کو فروغ دینے کی ضرورت پر زور دیا۔

واضح رہے اس سے وفاقی وزیر اسد عمر کی زیر صدارت کابینہ کمیٹی برائے توانائی کا اجلاس ہوا تھا جس میں میں پاور ڈویڑن کی نیپرا سے مشاورت سے تیار کردہ گردشی قرض رپورٹنگ طریقہ کار کا جائزہ لیا تھا۔

اجلاس میں کمیٹی نے پاور ڈویڑن کو گردشی قرض کے تفصیلی تخمینوں اور حل کی حکمت عملیوں پر عمل کرنے کی ہدایت کی تھی۔

اعلامیہ میں کہا گیا تھا کہ اجلاس میں بجلی کے شعبے میں مسابقتی مارکیٹ کا متعارف کروانے کا منصوبہ بھی اجلاس میں پیش کیا گیا۔

اجلاس کے اعلامیہ میں مزید کہا گیا تھا کہ کمیٹی نے پاور ڈویڑن کو منصوبہ کے اطلاق  کے ٹائم لائن کے ساتھ پیش کرنے کی ہدایت کی۔