سندھ میں بیکریاں کھلے رکھنے سے متعلق نیا فیصلہ سامنے آگیا جس کے تحت صوبے بھر میں بیکریاں اب رات گئے کھلی رہینگی۔
تفصیلات کے مطابق محکمہ داخلہ سندھ کی جانب سے جاری بیان میں کہا گیا ہے کہ صوبے بھر میں بیکریاں اب رات 10 بجے کے بعد بھی کھلی رہینگی۔
محکمہ داخلہ سندھ کی جانب سے بیان میں مزید کہا گیا کہ بیکریاں کھلے رکھنے کے لیے کورونا ایس او پی کو مدنظر رکھنا ہوگا۔
یاد رہے اس سے قبل کورونا وائرس سے بچاؤ کے لیے جاری کردہ ایس او پیز کی خلاف ورزی پر کراچی کے 61 ریسٹورنٹس اور بیکریوں کو سیل کردیا گیا تھا جبکہ چار شادی ہالز کو بھی سیل جبکہ 3 کو وارننگ جاری کی گئی تھی۔
ضلعی انتظامیہ کا کہنا تھا کہ کراچی کے مختلف علاقوں بہادر آباد، ملیر، کورنگی اور نارتھ کراچی میں ایس او پیز کی خلاف ورزی پر کارروائیاں کی گئیں۔
نارتھ ناظم آباد، گلشن اقبال، گلزار ہجری، جمشید کوارٹرز میں بھی ایس او پیز کی خلاف ورزی پر انتظامیہ حرکت میں آئی تھھی۔
واضح رہےکہ کراچی میں عالمی وبا کورونا وائرس کے بڑھتے کیسز کے پیش نظر شہر کے مختلف علاقوں میں مائیکرو اسمارٹ لاک ڈاؤن لگانے کی سفارش بھی کی گئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
