آرمی چیف جنرل قمر جاوید باجوہ سے افغانستان کے پاکستان میں نئے سفیر کی ملاقات ہوئی ہے۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف جنرل قمر جاوید باجوہ سے افغانستان کے پاکستان میں نئے سفیر کی ملاقات ہوئی جس میں آرمی چیف نے نئے افغان سفیر کو پاکستان میں خوش آمدید کہا۔

Afghanistan ambassador 2 #Pakistan met #COAS. COAS welcomed Amb & expressed hope that his services will help optimize Pak – Afg bilateral relations.
Regional security situation, ongoing Afghan Peace Process, border management & defence and security cooperation were discussed. pic.twitter.com/dlzmm8zClY

Advertisement

— DG ISPR (@OfficialDGISPR) November 12, 2020

اپنے پیغام مین آئی ایس پی آر کے ڈائریکٹرجنرل میجرجنرل بابر افتخار نے کہا کہ ملاقات میں خطے کی سیکیورٹی صورتحال پر بات چیت کی گئی جبکہ جاری افغان امن عمل، بارڈر مینجمنٹ، دفاع و سیکیورٹی تعاون پر بھی بات چیت ہوئی۔

ملاقات میں آرمی چیف جنرل قمر جاوید باجوہ نے کہا کہ پاک افغان دو طرفہ تعلقات کو مزید بہتر بنانے میں افغان سفیر نجیب اللہ اہم کردار ادا کریں گے۔

یاد رہے اس سے قبل آرمی چیف جنرل قمر جاوید باجوہ سے وزیراعظم آزاد کشمیر راجہ فاروق حیدر  نے ملاقات کی تھی۔

ملاقات میں باہمی دلچسپی کے امور خاص کر لائن آف کنٹرول اور  مقبوضہ کشمیر کی صورتحال پر تبادلہ خیال کیا گیا تھا جبکہ آرمی چیف نے کشمیر کاز اور کشمیریوں کے لیے پاک فوج کے عزم و حمایت کا اعادہ کیا تھا۔