تعلیمی معیاراورانتظامی امورکی بہتری کیلئےانتہائی سنجیدہ ہیں، گورنرخیبرپختونخوا

وریشہ مسعود

25th Nov, 2020. 09:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعلیمی معیاراورانتظامی امورکی بہتری کیلئےانتہائی سنجیدہ ہیں، گورنرخیبرپختونخوا

گورنر خیبر پختونخوا شاہ فرمان نے کہا ہے کہ صوبے کی تاریخی تعلیمی درسگاہ ایڈورڈزکالج کے تعلیمی معیار اور انتظامی امور کی بہتری کیلئے انتہائی سنجیدہ ہیں۔

تفصیلات کے مطابق گورنر خیبر پختونخوا شاہ فرمان کی زیر صدارت ایڈورڈزکالج پشاور کے بورڈآف گورنرزکا مختصر اجلاس ہوا۔

سپریم کورٹ کے احکامات کے مطابق بورڈ آف گورنرزاجلاس میں لاہور ڈائیوسیسن ٹرسٹ کے نمائندے کی شرکت لازمی ہے۔

گورنر خیبر پختونخوا نے کہا کہ صوبے کی تاریخی تعلیمی درسگاہ ایڈورڈزکالج کے تعلیمی معیار اور انتظامی امور کی بہتری کیلئے انتہائی سنجیدہ ہیں۔

شاہ فرمان نے یہ بھی کہا کہ بورڈ آف گورنرزکے اجلاس سپریم کورٹ کے احکامات کی روشنی میں منعقد کئے گئے جبکہ لاہورڈائیوسسن ٹرسٹ کی جانب سے غیر سنجیدگی اورمسلسل عدم شرکت قابل افسوس ہے

گورنر خیبر پختونخوا شاہ فرمان نے مزید کہا کہ بورڈ آف گورنرز متعلقہ اعلی سطح فورم ہے جس میں ایڈورڈز کالج کے مالی، انتظامی اور تعلیمی معاملات زیر بحث آتے ہیں۔

اجلاس میں وزیراعلی کے معاون خصوصی برائے اعلی تعلیم و اطلاعات کامران بنگش اور بورڈ کے اراکین موجود تھے۔