وزیراعلیٰ سندھ سید مراد علی شاہ نے کہا ہے کہ صوبے میں ابتک 156528 کیسز ہوچکے ہیں۔

تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال پر اپنے بیان میں کہا کہ گزشتہ 24 گھنٹوں میں کورونا کے مزید 11596نمونے ٹیسٹ کئے گئے جن میں 848 نئے کیسز سامنے آئے۔

وزیراعلیٰ سندھ نے کہا کہ سندھ میں ابتک کورونا کے 1820427 ٹیسٹ کیے گئے ہیں جبکہ صوبے میں ابتک 156528 کیسز ہوچکے ہیں۔

سید مراد علی شاہ نے یہ بھی کہا کہ آج کورونا کے مزید 454 مریض صحتیاب ہوگئے جس کے بعد ابتک 143252 کورونا کے مریض صحتیاب ہوچکے ہیں۔

وزیراعلیٰ سندھ کا کہنا تھا کہ آج کورونا کے باعث مزید 4مریض انتقال کرگئے، کورونا کے باعث انتقال کرنے والوں کی مجموعی تعداد 2751ہوگئی ہے۔

سید مراد علی شاہ نے کہا کہ اس وقت 10525 مریض زیر علاج ہیں جبکہ 10020مریض گھروں اور 6 مریض آئسولیشن سینٹرز پر زیرعلاج ہیں۔

وزیراعلیٰ سندھ نے یہ بھی کہا کہ کورونا متاثرہ 376 مریضوں کی حالت تشویشناک بتائی جارہی ہے جبکہ مختلف اسپتالوں میں 499 مریض زیرعلاج ہیں اور اس وقت کورونا کے 37مریض وینٹی لیٹرز پر ہیں۔

سید مراد علی شاہ کا کہنا تھا کہ صوبہ بھر کے 848 کورونا کیسز میں 592 نئے کیسز کا تعلق کراچی سے ہے جبکہ ضلع شرقی میں 264، جنوبی کراچی میں 152اور ضلع وسطی میں 76نئے کیسز رپورٹ ہوئے۔

وزیراعلیٰ سندھ سید مراد علی شاہ کا مزید کہنا تھا کہ کورنگی میں 43، ملیر میں 31 اورضلع غربی  26 مزید کیسز ظاہر ہوئے جبکہ حیدرآباد81، جامشورو29، سکھراور ٹھٹہ13-13 کیسز، شہید بینظیرآباد اوردادو11-11 اور ٹنڈوالہیار9 کیسز، شکارپور اور ٹنڈومحمد خان7-7 اور عمرکوٹ6، قمبر، لاڑکانہ اور مٹیاری5-5 کیسز، جیکب آباد ، نوشہروفیروز4-4 کیسز، بدین ، گھوٹکی3-3 جبکہ کشمور2، میرپورخاص اور تھرپارکر1-1 کیسز ہیں۔