آل پاکستان پرائیویٹ اسکولز فیڈریشن کے صدر کاشف مرزا نے کہا ہے کہ اسکولزدوبارہ بند نہیں ہوں گے،کھلے رکھنےکاواضح اعلان ہو چکا ہے۔

تفصیلات کے مطابق آل پاکستان پرائیویٹ اسکولز فیڈریشن کے صدر کاشف مرزا نے اپنے ایک بیان میں کہا کہ وزیر تعلیم پنجاب کے بعد وزیر تعلیم سندھ کی طرف سے سرما تعطیلات نہ کرنے کےاعلان کا خیرمقدم ہے جبکہ وزیراعظم کی طرف سےسیاسی اجتماعات پرپابندی خوش آئیند ہے۔

آل پاکستان پرائیویٹ اسکولز فیڈریشن کے صدر نے کہا کہ کوویڈ میں7.5کروڑطلباکی تعلیم کا ناقابل تلافی نقصان ہوا ہے۔

کاشف مرزا نے یہ بھی کہا کہ اسکولز بند کرنے سے نقصانات زیادہ ہیں لہذا اقوامِ متحدہ،یونیسف،یونیسکووعالمی بنک ایڈویزری کےمطابق کورونا خدشات میں بھی اسکولز کھلے رکھے جائیں۔

آل پاکستان پرائیویٹ اسکو لز فیڈریشن کے صدر نے ثابت کیا ہے کہ طلباء اسکولزمیں مکمل محفوظ ہیں۔

کاشف مرزا نے کہا کہ پرائیویٹ اسکولز ایس اوپیز پر مکمل عمل کر رہے ہیں جبکہ سرکاری اسکولز میں زیرتعلیم 2.5 کروڑطلبا ہمارے بچے ہیں،ایس اوپیز عملدرآمد کیلئے50ارب روپے چاہیے، فوری ادا کیے جائے۔

آل پاکستان پرائیویٹ اسکولز فیڈریشن کے صدر نے یہ بھی کہا کہ سول سوسائیٹی وحکومت ملکر ایس اوپیز کو یقینی اور بچوں کو محفوظ بنائے۔

کاشف مرزا نے وزیراعظم کی طرف سےسیاسی اجتماعات پرپابندی خوش آئیند قرار دیتے ہوئے کہا کہ سیاسی اجتماعات سے کورونا پھیلا تو کروڑوں پاکستانیوں کو جان کا خطرہ ہے۔

آل پاکستان پرائیویٹ اسکولز فیڈریشن کے صدر کاشف مرزا نے مزید کہا کہ بچوں کی تعلیم،صحت وتحفظ اولین ترجیح ہے کسی قسم کی کوتاہی برداشت نہیں کریں گے۔