پاکستان کی نامور اداکارہ سجل علی کے پاکستان کے لوگ تو دیوانے تھے ہی لیکن اب  ان کی خوبصورتی کے دیوانے بھارت سے تعلق رکھنے والے بھی ہو گئے ہیں اور دن با دن ان کے مداحوں کی تعداد بڑھتی جا رہی ہے۔

تفصیلات کے مطابق بھارتی ماڈل سونم باجوہ نے پاکستانی اداکارہ سجل علی کی تعریفوں کے پُل باندھ دیے۔

مزید پڑھیں

سجل علی کا ڈائٹنگ سے متعلق پیغام جاری

پاکستان کی خوبصورت اور باصلاحیت اداکارہ سجل علی نے ڈائٹنگ سے متعلق...

غیر ملکی خبر رساں ادارے کے مطابق بھارتی ماڈل سونم باجوہ ؤ انٹرویو کے دوران میزبان کے سوال کا جواب دیتے ہوئے کہا کہ میں سجل علی کی بہت بڑی پُرستار ہوں۔

انٹرویو کے دوران سونم باجوہ سجل علی کی قابلیت اور صلاحیتوں کی معترف دکھائی دیں۔

خیال رہے کہ میزبان کے سوال کہ آپ سجل کی ہر پوسٹ پر کمنٹ کرتی ہیں کے جواب میں سونم باجوہ نے برملا اعتراف کیا کہ کیونکہ میں اُن کی بہت بڑی مداح ہوں، اور دنیا میں سجل جیسا کوئی نہیں۔

انہوں نے مزید کہا کہ سجل غیر معمولی صلاحیتوں کی مالک ہیں اور مجھے اعتراف کرتے ہوئے بالکل بھی شرمندگی محسوس نہیں ہورہی کہ میں ایک پاکستانی اداکارہ کی تعریف کررہی ہوں۔

یاد رہے کہ سونم باجوہ نے بتایا کہ وہ سجل کی ایکٹنگ سے بہت کچھ سیکھتی ہیں، انہوں نے سجل کو موجودہ دور کی بہترین اداکارہ بھی قرار دی۔

اس سے قبل بالی ووڈ کی ورسٹائل اداکارہ سری دیوی کی صاحبزادی جھانوی کپور بھی پاکستان فلم و ٹی انڈسٹری کی پُرکشش اور باصلاحیت اداکارہ سجل علی کی خوبصورتی سے مُتاثر ہوگئیں تھیں۔

سجل علی نے سماجی رابطے کی ویب سائٹ انسٹاگرام پر ایک پوسٹ کی تھی جس سے اس بات کا اندازہ لگایا جا سکتا ہے کہ بالی ووڈ اداکارہ سجل کی خوبصورتی کی تعریف کرتی نظر آرہی۔

سجل علی کی تصویر پر سری دیوی کی بیٹی اور نامور بالی ووڈ اداکارہ جھانوی کپور نے تبصرہ کرتا ہوئے تین دل والے ایموجی بھی بنائے تھے۔

جھانوی کپور کا کمنٹ دیکھنے کے بعد یہ واضح ہو رہا تھا کہ وہ بھی سجل کی خوبصورتی سے مُتاثر ہیں۔

سجل علی نے ماضی کے کچھ قیمتی لمحات کو یاد کرتے ہوئے سماجی رابطے کی ویب سائٹ انسٹاگرام پر اپنی کچھ تصاویر پوسٹ کیں تھی جن میں وہ سیاہ رنگ کی ٹی شرٹ میں ملبوس ہیں۔

سجل کی جانب سے پوسٹ کی جانے والی تصویر کی کیپشن میں اداکارہ نے کیپشن میں لکھا تھا کہ ماضی کی خوبصورت اور قیمتی یادیں۔

اداکارہ نے اپنے اس کیپشن میں دل والے ایموجی کا بھی اضافہ کیا تھا۔

دوسری جانب دو روز قبل جھانوی کپور نے اپنے انسٹاگرام اکاؤنٹ پر اپنے نئے برائیڈل فوٹو شوٹ کی تصاویر پوسٹ کیں تھی۔

جھانوی کپور کی تصاویر پر کمنٹ کرتے ہوئے سجل علی نے لکھا تھا کہ ’خوبصورت‘ اور اس کے ساتھ ہی اُنہوں نے بوسہ دینے والے ایموجی کا اضافہ بھی کیا تھا۔

یاد  رہے کہ سجل علی نے بالی ووڈ فلم ’موم‘ میں ورسٹائل اداکارہ سری دیوی کے ساتھ کام کیاتھا۔

واضح رہے کہ اداکارہ سجل علی کی بات کریں تو یہ پاکستان کی وہ اداکارہ ہیں جن کی خوبصورتی اور حیرت انگیز اداکاری کے چرچے ناصرف پاکستان میں ہیں بلکہ سرحد پار بھی ہیں۔