ملتان میں میپکو ٹیموں نے بجلی چوروں کے خلاف آپریشن کرتے ہوئے جنوبی پنجاب میں ایک روز میں 136بجلی چور پکڑ لئے۔

ترجمان میپکو نے کہا کہ ملتان میں ایک لاکھ39ہزار یونٹس بجلی چوری کرنے پر31 لاکھ 86ہزار روپے جرمانہ عائد،3مقدمات درج جبکہ 45گھریلو،کمرشل اور صنعتی صارفین کو43583یونٹس چوری کرنے پر 725714 روپے جرمانہ عائدکیا گیا ہے۔

ترجمان میپکو کا کہنا تھا کہ بجلی چوروں کے خلاف کاروائی کے دوران ڈی جی خان میں 18 گھریلواورکمرشل صارفین کو20036یونٹس چوری کرنے پر1266775روپے جرمانہ اور دومقدمات درج جبکہ وہاڑی میں 15گھریلواورکمرشل  صارفین کو17995یونٹس چوری کرنے پر311660روپے جرمانہ اور بہاولپور میں 9گھریلو صارفین کو11773 یونٹس چوری کرنے پر152549 روپے جرمانہ اور ایک ایف آئی آر درج کیا گیا ہے۔

ترجمان میپکو کا یہ بھی کہنا تھا کہ دیگر شہروں ساہیوال میں 15 گھریلواورکمرشل صارفین کو13647یونٹس چوری کرنے پر253019روپے جرمانہ جبکہ رحیم یار خان میں 11 گھریلو صارفین کو10356یونٹس چوری کرنے پر165000روپے جرمانہ عائد کیا گیا ہے۔

ترجمان میپکو کا  کہنا تھا کہ مظفرگڑھ میں 13 گھریلوصارفین کو12262یونٹس چوری کرنے پر170000روپے جرمانہ جبکہ بہاولنگر میں 8 گھریلو صارفین کو7352یونٹس چوری کرنے پر100500روپے جرمانہ اور خانیوال میں 2گھریلو صارفین کو2174یونٹس چوری کرنے پر41024روپے جرمانہ عائدکیا گیا ہے۔

  ترجمان میپکو کا مزید کہنا تھا کہ بجلی چوروں کے خلاف  مقدمات  درج کرا دیئے گئے اور اس معاملے پر مزید تحقیقات کی جارہی ہے۔