پاکستان شوبز انڈسٹری کی ماڈل اور اداکارہ آمنہ الیاس نے اپنا جیون ساتھی چُن لیا۔

تفصیلات کے مطابق سوشل میڈیا سائٹ انسٹاگرام پر ماڈل اور اداکارہ آمنہ الیاس سے ایک مداح نے پوچھا کہ کیا آپ ابھی بھی اکیلی (سنگل) ہیں یا جیون ساتھی کا انتخاب کرلیا ہے جس پر اداکارہ نے کہا کہ وہ جیون ساتھی کا انتخاب کرچکی ہیں۔

مزید پڑھیں

میری گہری رنگت مجھے ناکام نہیں کرسکتی، آمنہ الیاس

پاکستان کی نامور اداکارہ اور ماڈل آمنہ الیاس سیاہ رنگت کے حوالے...

آمنہ الیاس سے مداحوں کی جانب سے مزید سوال کیا گیا کہ کیا وہ کسی کو پسند کرتی ہیں۔

مداحوں کی جانب سے پوچھے جانے والے سوال کے جواب میں اداکارہ نے ہاں میں اقرار کیا اور بتایا کہ جس شخص کو وہ پسند کرتی ہیں اس کا نام داور محمود ہے۔

یاد رہے کہ کچھ ماہ قبل آمنہ الیاس اور اداکار داور محمود کی شادی سے متعلق خبریں سامنے آئی تھیں جس میں کہا گیا تھا کہ دونوں نے خاموشی سے شادی کرلی ہے تاہم دونوں کی جانب سے خبروں کی تردید کرتے ہوئے کہا تھا کہ ایسی افواہیں پھیلانا بند کریں۔

واضح رہے کہ اداکارہ آمنہ الیاس نے یہ تو بتا دیا کہ انہوں نے جیون ساتھی کا انتخاب کرلیا ہے تاہم دنوں کی شادی کب ہے یا شادی ہوچکی ہے اس حوالے سے اداکارہ کی جانب سے کوئی جواب نہیں آیا۔