سیکرٹری جنرل پاکستان پیپلز پارٹی سید نیر حسین بخاری نے کہا ہے کہ چیئرمین بلاول بھٹو مساوات اور برابری پر مبنی معاشرے کے قیام کیلئے توانا آواز ہیں۔

تفصیلات کے مطابق سیکرٹری جنرل پاکستان پیپلز پارٹی سید نیر حسین بخاری نے یوم عالمی انسانی حقوق پر پیغام میں کہا کہ پیپلز پارٹی نے آئین کے جمہوری  تحفے کے زریعے انسانی حقوق کی ضمانت فراہم کی ہے۔

سیکرٹری جنرل پاکستان پیپلز پارٹی نے کہا کہ چیئرمین بلاول بھٹو مساوات اور برابری پر مبنی معاشرے کے قیام کیلئے توانا آواز ہیں۔

سید نیر حسین بخاری نے یہ بھی کہا کہ پیپلز پارٹی پارلیمنٹ کے اندر اور باہر  شہریوں کے آئینی معاشی انسانی حقوق چھیننے والی قوتوں اور ذہنیت کے خلاف بر سر پیکار ہے۔

سیکرٹری جنرل پاکستان پیپلز پارٹی کا کہنا تھا کہ دوسروں پر زبردستی نظریات مسلط کرنے والوں کی مزاحمت جاری رکھیں گے جبکہ جمہوری اور ترقی پسند معاشرے کے لئے آزادی اظہار اور محروم محکوم طبقات کے  تحفظ ضمانت دینا ہوگی۔

سید نیر حسین بخاری کا یہ بھی کہنا تھا کہ عالمی برادری کا قابض بھارتی افواج کا مقبوضہ کشمیر میں نہتے کشمیریوں پر مظالم کا نوٹس نہ لینا سوالیہ نشان ہے۔

سیکرٹری جنرل پاکستان پیپلز پارٹی سید نیر حسین بخاری کا مزید کہنا تھا کہ قابض بھارتی افواج نے بزرگ مرد  خواتین اساتزہ طلباء کو لاپتہ کرنا اور اپاہج بنانا معمول بنا لیا ہے،انسانی حقوق کی تنظیموں  وحشیانہ بھارتی مظالم کے خلاف آواز بلند کریں۔