چئیرمین سی پیک اتھارٹی عاصم سلیم باجوہ نے کہا ہے کہ سی پیک منصوبوں کی بروقت تکمیل کو یقینی بنانےکیلئے پرعزم ہیں۔

تفصیلات کے مطابق چئیرمین سی پیک اتھارٹی سے سیکرٹری خارجہ سہیل محمود کی ملاقات ہوئی جس میں سی پیک منصوبے کی پیشرفت اور متعلقہ امور کا جائزہ لیا گیا۔

ملاقات میں اتفاق کیا گیا کہ پاک چین مشترکہ کوششوں سے سی پیک علاقائی تجارت کا مرکز بنے گا جبکہ سی پیک سےدونوں ممالک کی عوام میں تعلق گہرااور رابطوں کو فروغ ملے گا۔

اس موقع پر سیکرٹری خارجہ سہیل محمود نے کہا کہ پاک چین اقتصادی راہداری تبدیلی کامنصوبہ ہے۔

سیکرٹری خارجہ نے یہ بھی کہا کہ سی پیک منصوبے پر مکمل قومی اتفاق رائےموجود ہے جبکہ پاکستان اور چین تمام منصوبوں کی بروقت تکمیل کیلئے پرعزم ہیں۔

سہیل محمود کا کہنا تھا کہا کہ سی پیک کےتوانائی اورانفرااسٹرکچرمنصوبوں سےہزاروں ملازمتیں پیداہوں گی اور ان منصوبوں سےصنعت وپیداوارکےشعبوں کوبھی فروغ حاصل ہوگا۔

سیکرٹری خارجہ سہیل محمود کا مزید کہنا تھا کہ خصوصی اقتصادی زونز میں غیر ملکی سرمایہ کاری کا خیر مقدم کیا جائے گا۔

ملاقات میں چئیرمین سی پیک اتھارٹی عاصم سلیم باجوہ نے کہا کہ سی پیک منصوبوں کی بروقت تکمیل کو یقینی بنانےکیلئے پرعزم ہیں جبکہ پاکستان صنعتوں میں چینی سرمایہ کاری کاخیر مقدم کرے گا۔

چئیرمین سی پیک اتھارٹی عاصم سلیم باجوہ نے مزید کہا کہ جے سی سی کا دسواں اجلاس جلد ہوگا، اجلاس سےسی پیک منصوبوں میں توسیع اورمعاشی مواقع بڑھیں گے۔