بھارتی فوج کی لائن آف کنٹرول ( ایل او سی) پر سیز فائر کی خلاف ورزیوں کا سلسلہ بدستور جاری ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق بھارتی فورسز نے سیز فائر کی خلاف ورزی کرتے ہوئے لائن آف کنٹرول کے کھوئی رتہ سیکٹر میں بلا اشتعال فائرنگ کی اور جان بوجھ کر سویلین آبادی کو نشانہ بنایا۔
آئی ایس پی آر کا کہنا ہے کہ بھارتی فوج کے ساتھ فائرنگ کے شدید تبادلے میں سپاہی فضل الہی بہادری سے لڑتے ہوئے شہید ہوگئے جبکہ 34 سالہ سویلین شخص شدید زخمی ہوگئے ہیں۔
ترجمان پاک فوج کے مطابق پاک فوج نے بھارتی فائرنگ کا منہ توڑ جواب دیا جس کے نتیجے میں بھارتی فوج کے بھاری جانی و مالی نقصان کی اطلاعات موصول ہوئی ہیں۔
دوسری جانب پاک فوج کےشعبہ تعلقات عامہ (آئی ایس پی آر) کے مطابق بھارتی کواڈ کاپٹر تتہ پانی سیکٹر میں پاکستانی حدود میں داخل ہوا تھا جس کو پاک فوج نے مار گرایا ہے۔
Advertisement
آئی ایس پی آر کا مزید کہنا ہے کہ 2020 میں پاک فوج نے سولہ بھارتی کواڈ کاپٹر مار گرائے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
