رویت ہلال کمیٹی کے چیئرمین مفتی منیب الرحمان کو عہدے سے ہٹا دیا گیا۔

تفصیلات کے مطابق حکومت کی جانب سے رویت ہلال کمیٹی کی تشکیل نو کردی گئی ہے۔

حکومت کی جانب سے جاری کردہ نوٹیفکیشن کے مطابق مولانا عبدالخبیر آزاد رویت ہلال کمیٹی کے نئے چیئرمین مقرر کردیئے گئے ہیں۔

ذرائع کے مطابق رویت ہلال کمیٹی میں 19 ارکان شامل ہیں، جس میں راغب نعیمی، حسین اکبر، مولانا فضل الرحیم، ڈاکٹر یاسین ظفر، مفتی اقبال چشتی، ڈاکٹرمفتی علی اصغر، فیصل احمد، سید علی قرار نقوی، مفتی فضل جمیل ،حافظ عبدالغفور، یوسف کشمیری، قاری میر اللہ، حبیب اللہ چشتی اور مفتی ضمیر شامل ہیں۔

کمیٹی میں سپارکو، محکمہ موسمیات، سائنس ٹیکنالوجی اور وزارت مذہبی امور کا ایک ایک نمائندہ بھی شامل ہے۔

نوٹیفیکیشن ڈی جی سید مشاہد حسین خالد نے جاری کیا ہے۔

واضح رہے کہ مفتی منیب الرحمن کو 20 سال بعد رویت ہلال کمیٹی کی چیرمین شپ سے ہٹایا گیا۔

مفتی منیب الرحمن کو 2000 میں چیرمین رویت ہلال کمیٹی بنایا گیا تھا جبکہ 2012 میں مفتی منیب الرحمن کی دوبارہ تعیناتی کا نوٹیفکیشن جاری کیا گیا گیا۔

ذرائع وزارت مذہبی امور کا کہنا ہے کہ رویت ہلال کمیٹی کی چیرمین شپ ہر دوسال بعد تبدیل ہوگی۔