برطانیہ میں آج سے سخت لاک ڈاؤن کا نفاذ

تنویر علی

16th Dec, 2020. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں آج سے سخت لاک ڈاؤن کا نفاذ

یورپی ملک برطانیہ میں گزشتہ 24 گھنٹوں میں 506 افراد کی ہلاکت کے بعد سخت لاک ڈاؤن لگانے کا اعلان کیا گیا ہے۔

غیر ملکی خبر رساں ادارے کے مطابق برطانوی سیکریٹری برائے صحت میٹ ہینکوک کا کہنا ہے کہ لندن، ایسیکس کے کچھ علاقے اور ہرٹفورڈ شائر کے کچھ حصوں میں کورونا وائرس کے پھیلاؤ کے بعد سخت پابندیاں عائد کردی گئیں ہیں جبکہ آج رات 1 بجے سے یہ علاقے سخت لاک ڈاون میں شامل کردیئے جائیں گے، جس سے تقریبا 35 ملین افراد کو سخت ترین پابندیوں کا سامنا ہوگا۔

برطانوی سیکٹری برائے صحت کا مزید کہنا ہے کہ کورونا وائرس کی ایک نئی شکل کی نشاندہی ہوگئی ہے جو جنوبی انگلینڈ میں تیزی سے پھیل رہا ہے اور وہ ایک ساتھ بہت لوگوں کو متاثر کرسکتا ہے۔ نئے قوانین کے تحت، کھیلوں کے شائقین اسٹیڈیم میں ہونے والے پروگراموں میں شرکت نہیں کرسکتے جبکہ داخلی تفریحی مقامات جیسے تھیٹر، بولنگ ایلی اور سینما گھروں کو بند ہی رہنا پڑے گا۔