بیگم صفدر اعوان جھوٹوں کی یونیورسٹی کی وائس چانسلر ہیں، فیاض الحسن چوہان

وریشہ مسعود

26th Dec, 2020. 06:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیگم صفدر اعوان جھوٹوں کی یونیورسٹی کی وائس چانسلر ہیں، فیاض الحسن چوہان

وزیر جیل خانہ جات پنجاب فیاض الحسن چوہان نے کہا ہے کہ بیگم صفدر اعوان جھوٹوں کی یونیورسٹی کی وائس چانسلر ہیں۔

تفصیلات کے مطابق وزیر جیل خانہ جات پنجاب فیاض الحسن چوہان نے بیگم صفدر اعوان کی جانب سے حکومت پر محمد علی درانی کی شہباز شریف سے زبردستی ملاقات کے الزام کو سراسر دروغ گوئی قرار دیتے ہوئے کہا ہے کہ محمد علی درانی سے ملاقات میں شہباز شریف کی مرضی و منشا شامل تھی۔

وزیر جیل خانہ جات پنجاب نے کہا کہ جیل میں کسی بھی قیدی کو کسی بھی فرد سے ملاقات کے لیے مجبور نہیں کیا جا سکتا ، شہباز شریف کی اپنے خاندان کے افراد سے ملاقات نہ کرنے میں بھی انکی مرضی شامل ہوتی ہے۔

فیاض الحسن چوہان نے یہ بھی کہا بیگم صفدر اعوان جھوٹوں کی یونیورسٹی کی وائس چانسلر ہیں، ہر موقع پر اپنے مفاد کے لیے جھوٹ بولنا آل شریف کی عادت ثانیہ بن چکی ہے۔

فیاض الحسن چوہان کا کہنا تھا کہ بیگم صفدر اعوان سمیت شریف خاندان کے تمام افراد ذہنی سکون کے لیے سائیکاٹرسٹ سے مدد لیتے ہیں۔

پی ڈی ایم کے حوالے سے اپنے بیان میں وزیر جیل خانہ جات پنجاب فیاض الحسن چوہان نے کہا کہ پی ڈی ایم کے استعفوں کے غبارے سے آصف زرداری اور شہباز شریف نے ہوا نکال دی۔