دنیاکی کم عمر ترین نوبل انعام یافتہ پاکستانی طالبہ و سماجی  کارکن ملالہ یوسفزئی نے ٹک ٹاک ایپ پر اکاؤنٹ بنالیا ۔

سماجی رابطے کی ویب سائٹ ٹوئیٹر پر  ٹک ٹاک کی ایک ویڈیو شیئر  جس میں انہوں نے  اپنے فالوورز کو ایک اور سوشل میڈیا پلیٹ فارم پر آنے سے متعلق آگاہ کیا۔

ٹک ٹاک ویڈیو میں ملالہ یوسفزئی  نے اپنا تعارف کرواتے ہوئے کہا کہ میرا نام ملالہ یوسفزئی ہے اور   میری عمر 23 سال ہے ۔

🚨🚨 This #GivingTuesday, ask @Malala anything! How?
1. Hop over to our TikTok: https://t.co/jKqKTiaF5X
2. Make a gift through the donation sticker (matched dollar-for-dollar by @tiktok_us 🎉)
3. Ask Malala your question and she might answer back! 🤞🏽 pic.twitter.com/7j92aZvQum

Advertisement

— Malala Fund (@MalalaFund) December 1, 2020

انہوں نے مزید کہا کہ  میں لڑکیوں کی تعلیم کے لیے کوشاں سماجی کارکن ہوں ،آپ میں سے کئی لوگ مجھے جانتے ہیں جبکہ آپ میں سے کچھ لوگ مجھے نہیں جانتے جن کے لیے میں اپنا مختصراًتعارف کروارہی ہوں ۔

ملالہ یوسفزئی نے اپنی پہلی ٹک ٹاک ویڈیو میں دنیا بھر میں موجود اپنے مداحوں سے ملالہ فنڈ میں زیادہ سے زیادہ عطیات جمع کرانے کی اپیل بھی کی۔

یاد رہے کہ ملالہ یوسفزئی کو 2014 میں بھارت کے سماجی رہنما کیلاش سیتیارتھی کے ساتھ مشترکہ طور پر امن کا نوبیل انعام دیا گیا تھاجس سے  وہ دنیا کی کم عمر ترین نوبل انعام یافتہ بنی تھیں۔

نوبل انعام ملنے کے ایک سال بعد حکومت پاکستان  کی جانب سے ملالہ یوسفزئی کو بہادری پر ستارہ شجاعت دیا  گیاتھا۔