اتوار سے انگلینڈ میں مکمل لاک ڈاؤن کا اعلان کردیا گیا ہے۔

غیر ملکی خبر رساں ادارے کے مطابق برطانیہ میں کرسمس لاکھوں افراد کے لئے منسوخ ہوگیا ہے۔

تفصیلات کے مطابق برطانوی وزیراعظم بورس جانسن نے لندن سمیت ساؤتھ ایسٹ انگلینڈ  میں ‘لیول4’ کی نئی پابندیاں عائد کردی ہیں۔

بورس جانسن کا کہنا تھا کہ کل سے انگلینڈ میں تمام غیر ضروری کاروبار بند رہیں گے۔

واضح رہے کہ اس سے قبل برطانوی سیکریٹری برائے صحت میٹ ہینکوک کا کہنا تھا کہ لندن، ایسیکس کے کچھ علاقے اور ہرٹفورڈ شائر کے کچھ حصوں میں کورونا وائرس کے پھیلاؤ کے بعد سخت پابندیاں عائد کردی گئیں ہیں جبکہ آج رات 1 بجے سے یہ علاقے سخت لاک ڈاون میں شامل کردیئے جائیں گے، جس سے تقریبا 35 ملین افراد کو سخت ترین پابندیوں کا سامنا ہوگا۔

برطانوی سیکٹری برائے صحت کا مزید کہنا ہے کہ کورونا وائرس کی ایک نئی شکل کی نشاندہی ہوگئی ہے جو جنوبی انگلینڈ میں تیزی سے پھیل رہا ہے اور وہ ایک ساتھ بہت لوگوں کو متاثر کرسکتا ہے۔ نئے قوانین کے تحت، کھیلوں کے شائقین اسٹیڈیم میں ہونے والے پروگراموں میں شرکت نہیں کرسکتے جبکہ داخلی تفریحی مقامات جیسے تھیٹر، بولنگ ایلی اور سینما گھروں کو بند ہی رہنا پڑے گا۔