وزیراعلیٰ پنجاب کی معاون خصوصی اطلاعات ڈاکٹر فردوس عاشق اعوان نے کہا کہ حکومت اپوزیشن کی گیدڑ بھبکیوں میں نہیں آئے گی۔

تفصیلات کے مطابق وزیراعلیٰ پنجاب کی معاون خصوصی اطلاعات ڈاکٹر فردوس عاشق اعوان نے اپنے پیغام میں کہا کہ پی ڈی ایم ٹولے کے استعفے لطیفے بن چکے ہیں، ان عناصر میں استعفے دینے کی ہمت ہے نہ حوصلہ۔

وزیراعلیٰ پنجاب کی معاون خصوصی اطلاعات نے کہا کہ کرپٹ سیاستدان صرف اپنی دمبڑی بچانے کے لئے کورونا پھیلا رہے ہیں، ان سنگ دل عناصرکو عوام کی نہیں بلکہ لوٹ مار سے اکٹھی کی گئی دولت بچانے کی فکر ہے۔

ڈاکٹر فردوس عاشق اعوان نے یہ بھی کہا لوگوں کو کورونا کی بیماری مبتلا کرنے والے عناصر ذہنی طور پر خود بیمار ہیں۔

وزیراعلیٰ پنجاب کی معاون خصوصی اطلاعات کا کہنا تھا کہ لاہور میں کورونا کے مریضوں کی تعداد 60266 تک پہنچ چکی ہے جبکہ پنجاب میں گزشتہ 24گھنٹے کے دوران کورونا کے662کنفرم کیسز سامنے آئے اور25مریض جاں بحق ہوئے۔

 ڈاکٹر فردوس عاشق اعوان کا یہ بھی کہنا تھا کہ پنجاب میں کورونا کے ایکٹو مریضوں کی تعداد20,483 ہوچکی ہے جبکہ کورونا سے3,162 مریض جاں بحق ہوچکے ہیں۔

وزیراعلیٰ پنجاب کی معاون خصوصی اطلاعات ڈاکٹر فردوس عاشق اعوان کا میں کہنا تھا کہ پی ڈی ایم عوام کی زندگی پر اپنی منفی سیاست چمکانے کی کوشش کر رہی ہے جو کبھی کامیاب نہیں ہو گی جبکہ 13 دسمبر کو لاہور کے لوگ پی ڈی ایم کے غبارے سے ہوا نکال دیں گے۔