مقبول ترک ڈرامہ سیریز ’ارطغرل غازی‘ کے مرکزی کردار انگین آلتان نے بتا دیا کہ وہ دوبارہ پاکستان آئے گے یا نہیں۔

تفصیلات کے مطابق انگین آلتان  نے پاکستانیوں کا شکریہ ادا کرتے ہوئے کہا کہ وہ دوبارہ بھی پاکستان آئیں گے۔

مزید پڑھیں

انگین آلتان پاکستانیوں کے شکر گزار

ترک ڈرامہ سیریز ’ارطغرل غازی‘ کے مرکزی کردار انگین آلتان نے پاکستانیوں...

یاد رہے کہ گزشتہ دنوں ایک مختصر دورے پر پاکستان آنے والے تُرک اداکار انگین آلتان نے اپنے تصدیق شدہ انسٹاگرام اکاؤنٹ پر ایک اسٹوری شیئر کی ہے۔

خیال رہے کہ دو روزہ پاکستانی دورے پر آئے ترک اداکار انگین آلتان نے بادشاہی مسجد لاہور کا دورہ کیا اور شاعرِ مشرق علامہ محمد اقبال کے مزار پر حاضری بھی دی۔

ترک اداکار نے لاہور میں پریس کانفرنس کی تھی اور بتایا تھا کہ وہ چوہدری ٹیکسٹائل کے برانڈ ایمبیسڈر بنے ہیں۔

انہوں نے ارطغرل غازی کو پسند کرنے پر وزیراعظم عمران خان اور پاکستانی عوام کا شکریہ ادا کیا تھا۔

انگین آلتان دوزیتان نے اردو زبان میں بھی کچھ الفاظ ادا کیے تھے، انہوں نے کہا تھا کہ مجھے ’شکریہ‘ کہنا آتا ہے، اور انہوں نے ’لاہور لاہور اے‘ بھی کہا تھا۔

اداکار کی جانب سے شیئر کی جانے والی اسٹوری میں انہوں نے  اپنی ایک ننھی پاکستانی مداح کا خط شیئر کیا ہے۔

اسٹوری میں شہیر کیے جانے والے مذکورہ خط میں دیکھا جا سکتا ہے کہ انگین آلتان کے ایمن نامی ننھی پاکستانی مداح نے اُن سے اپنی محبت کا اظہار کیا اور بتایا کہ وہ تُرک اداکار سے ملاقات کرنے کے لیے کس قدر پُرجوش تھیں۔

ایمن نے اپنے خط میں انگین آلتان سے مخاطب ہوتے ہوئے کہا کہ ’میں آپ کو اتنا زیادہ پسند کرتی ہوں کہ الفاظ میں بیان نہیں کرسکتی ہوں۔‘

اداکار نے ننھی پاکستانی مداح کا خط اپنی انسٹا اسٹوری میں شیئر کرتے ہوئے پاکستان کا شکریہ ادا کیا۔

واضح رہے کہ تُرک اداکار انگین آلتان نے کہا کہ ’دوبارہ پاکستانیوں سے ملاقات ہوگی۔‘