بوائلر پھٹنے سے دھماکا، جاں بحق افراد کی تعداد 8 ہوگئی

وریشہ مسعود

22nd Dec, 2020. 11:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بوائلر پھٹنے سے دھماکا، جاں بحق افراد کی تعداد 8 ہوگئی

نیو کراچی میں فیکٹری میں بوائلر پھٹنے سے8 افراد جاں بحق جبکہ 15 زخمی ہوگئے۔

تفصیلات کے مطابق نیو کراچی صباءسینماء کے قریب فیکٹری میں بوائلر پھٹنے سے چھت گرگئی جس کے ملبے تلے کئی لوگوں کے دبے ہونے کی اطلاعات ہیں۔

ریسکیوذرائع کا کہنا ہے کہ جاۓ وقوع سے شدید زخمیوں کو نکال کر عباسی شہید اسپتال روانہ کردیا ہے۔

ترجمان سندھ رینجرز کا کہنا ہے کہ رینجرز کے جوان جائے حادثہ پر پہنچ کر ریسکیو ٹیموں کے ساتھ امدادی کاموں میں مصروف ہیں جبکہ رینجرز نے علاقے کو گھیرے میں لے کر دھماکے سے متعلق تفتیش شروع کردی۔

پولیس حکام کا کہنا ہے کہ دھماکے کی نوعیت کا جائزہ لیا جارہا ہے تاہم ابتدائی تفتیش کے مطابق فیکٹری میں دھماکا بوائلر پھٹنے کے باعث ہوا تاہم دھماکے سے متعلق مزید تحقیقات جاری ہیں۔

دوسری جانب وزیراعلیٰ سندھ سید مراد علی شاہ نے کراچی میں برف خانے میں بوائلر پھٹنے سے جانی نقصان کا نوٹس لے لیا۔

ترجمان وزیراعلیٰ سندھ نے کہا کہ وزیراعلیٰ سندھ نے لیبر ڈپارٹمنٹ سے رپورٹ طلب کرلی۔