ترجمان دفترخارجہ زاہد حفیظ چوہدری نے کہا ہے کہ جموں و کشمیر میں جمہوریت کے دعوے بے بنیاد اور جھوٹ پر مبنی ہیں۔
تفصیلات کے مطابق ترجمان دفترخارجہ زاہد حفیظ چوہدری نے اپنے ایک بیان میں کہا کہ مقبوضہ کشمیر میں جمہوریت کے بے بنیاد دعووں کے بھارتی وزیراعظم کے بیان کو مسترد کرتے ہیں۔
ترجمان دفترخارجہ نے کہا کہ ڈسٹرکٹ ڈویلپمنٹ کونسل کے نام نہاد انتخابات کے حوالے سے جمہوری دعویٰ مسترد کرتے ہیں۔
زاہد حفیظ چوہدری نے یہ بھی کہا کہ آر ایس ایس بی جے پی کی نام نہاد جمہوریت صرف بندوق کے زور پر کشمیریوں کی آواز دبانے کیلئے ہے۔
ترجمان دفترخارجہ کا کہنا تھا کہ مقبوضہ کشمیر میں پانچ اگست 2019 سے محاصرے کے ذریعے کشمیریوں کو بنیادی حقوق سے محروم رکھا گیا ہے۔
Advertisement
زاہد حفیظ چوہدری کا یہ بھی کہنا تھا کہ بھارتی قیادت کے جھوٹے دعوے نہ کشمیریوں کی آواز دبا سکتے ہیں نہ عالمی برادری کی توجہ ہٹا سکتے ہیں۔
ترجمان دفترخارجہ زاہد حفیظ چوہدری کا مزید کہنا تھا کہ بھارت معاملات کو الجھانے اور توجہ ہٹانے کے بجائے مقبوضہ کشمیر سے غیر قانونی قبضہ ختم کرے جبکہ کشمیری عوام کو اقوام متحدہ کی قراردادوں کے مطابق حق رائے دہی دیا جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
