وزیر اطلاعات شبلی فراز نے کہا ہے کہ مریم نواز کے خاندان نے ملک کوبری طرح لوٹاان کا ایمان صرف پیسہ ہے۔

تفصیلات کے مطابق مریم نواز کی تقریر پر وزیر اطلاعات شبلی فراز نے ردعمل دیتے ہوئے کہا کہ مریم صفدر کی بے ربط تقریر جو انہوں نے آج لاہور میں کی وہ ان کی ذہنی زبوں حالی اور کم آئیگی کی غمازی کرتی ہے۔

شبلی فراز نے کہا کہ مریم خاندان اس خاندان کی دوسری نسل کی ترجمانی کرتی ہیں جنہوں نے ہمیشہ اس ملک کا استحصال کیا، انہوں نے ہمیشہ پیسے ہی کو عزت دی جس سے زلت اور رسوائی ہمیشہ ان کا مقدر رہی

وزیر اطلاعات نے یہ بھی کہا کہ عوام پر یہ واضح ہوگیا ہے کہ یہ ان کی ذاتی لڑائی ہے، یہ غریب عوام کو بیوقوف بنا رہے ہیں جبکہ ان کے بیانیہ کی اب سیاست میں کوئی جگہ نہیں رہی۔

شبلی فراز کا کہنا تھا کہ گلگت بلتستان کے الیکشن میں بھی ان کی پارٹی کی رسوائی ہوئی جبکہ ان کے اپنے ہی کنونشن میں گو نواز گو کے نعرے لگے اور اگر اس خاندان میں زرا بھی عزت نفس ہوتی تو وہ سیاست چھوڑ چکے ہوتے

وزیر اطلاعات کا یہ بھی کہنا تھا کہ عوام کو آج کوئی شک نہیں رہ گیا کہ مریم صفدر فرسٹریشن اور ڈپریشن کی انتہا کو پہنچ چکی ہیں جبکہ ملک میں کورونا ایمر جنسی نافذ ہے اور دن بدن ان کیسز میں تیزی سے اضافہ ہورہا ہے۔

شبلی فراز نے کہا کہ ہمیں تمام شعبہ جات اور مکتب فکر سے مسلسل دباؤ ہے ،عوام نے آج کورونا کے خلاف جاری جدوجہد میں بین الاقوامی اداروں، میڈیا اور حکومتی اقدامات کی دھجیاں اڑتی دیکھی ہیں وہ قابل مذمت ہیں۔

وزیر اطلاعات شبلی فراز نے مزید کہا کہ حکومت کو غریب عوام کی جانیں بچانے کے لیے اس قسم کے ناعاقبت اندیش سیاست دانوں کے خلاف کارروائی کرنی چاہیے جبکہ ہم پر دباؤ ہے حکومت کو غریب عوام کی جانیں بچانے کے لیے اس قسم کے ناعاقبت اندیش سیاست دانوں کے خلاف کارروائی کرنی چاہیے۔