معاون خصوصی برائے سیاسی ابلاغ ڈاکٹر شہباز گِل نے کہا ہے کہ پیپلز پارٹی نہ صرف نااہل، نالائق بلکہ کرپٹ بھی ہے۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے بلاول زرداری کے بیان پر ردعمل دیتے ہوئے کہا کہ بھٹو کے وژن کے برعکس زرداریوں نے سندھ کے عوام سے روٹی کپڑا مکان چھینا۔

ڈاکٹر شہباز گِل نے کہا کہ حقیقت میں عوام کے سر سے چھت، ہاتھ سے نوالا چھیننے والا گروہ زرداری کا ہے۔

معاون خصوصی برائے سیاسی ابلاغ نے یہ بھی کہا کہ کراچی روشنیوں کا شہر جسے پیپلزپارٹی نے بڑی محنت سے اندھیروں میں دھکیلا جبکہ بھٹو کے نام پر لوٹ مار کرکے عوام کو اندھیروں میں دھکیلا گیا۔

شہباز گِل کا کہنا تھا کہ پیپلز پارٹی کا منشور صرف اور صرف کرپشن ہے، دہائیوں سے پیپلز پارٹی نے وڈیروں، پولیس اور انتظامیہ کے زریعے صوبہ سندھ کو تباہ کیا۔

معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ قومیت کے نام پرسندھ کے عوام پر مسلط رہنے والوں نے سندھ کو اپنی جاگیر سمجھ کر لوٹا، بھٹو کے منشور کو بڑھانے کے بجائے بلاول کے والد فیک اکاؤنٹس مینٹین کرنے میں مگن رہے۔