کوئٹہ : سانحہ مچھ کے خلاف ہزارہ برادری کااحتجاجی دھرنا چھٹے روز میں داخل ہوگیا ہے۔

تفصیلات کے مطابق کوئٹہ میں سانحہ مچھ کے خلاف دھرنا چھٹے روز میں داخل ہوچکا ہے جبکہ شدید سردی میں ہزارہ برادری کے لوگ میتوں کے ہمراہ احتجاج پر بیٹھے ہوئے ہیں۔

مچھ واقعہ کے خلاف کوئٹہ کے مغربی بائی پاس پر ہزارہ برادری کی جانب سے 10 میتوں کے ہمراہ احتجاجی دھرنا دیا ہے تاہم سخت سردی کے باوجود احتجاجی دھرنے میں خواتین ،بچے اور بزرگ افراد شامل ہیں۔

دھرنا شرکاء کا وزیراعظم عمران خان کے دھرنے میں آمد پر بضد جبکہ مظاہرین کا کہنا ہے کہ جب تک وزیراعظم عمران خان احتجاجی دھرنے میں نہیں آئینگے میتوں کی ہمراہ دھرنا جاری رہے گا۔

یاد رہے کہ کوئٹہ بھر میں سانحہ مچھ کے خلاف ہزارہ برادری کی میتوں کے ہمراہ دھرنا پانچویں روز بھی جاری ہے تاہم دھرنے میں 10 جاں بحق کانکنوں کی میتیں تاحال موجود لواحقین کی جانب سے تدفین سے انکار کردیا گیا ہے۔

دھرنے کے شرکاء کا کہنا ہے کہ جب تک دھرنے پر وزیراعظم عمران خان نہیں آئیں گے دھرنا جاری رہے گا تاہم دھرنے میں بزرگ جوان و خواتین کی بڑی تعداد شریک ہیں۔

کوئٹہ میں جاری دھرنے کے باعث صوبے کا اہم شاہراہ پانچ روز سے بلاک جس سے عوام کو سفر کرنے میں مشکلات کا سامنا کرنا پڑرہا ہے تاہم دھرنے کو ختم کرنے کےلئے حکومتی کوششیں تاحال ناکام ہوگئے ہیں۔