کوئٹہ میں سانحہ مچھ کے خلاف آج انجمن تاجران کی جانب سے شٹرڈاؤن ہڑتال کا اعلان کردیا گیا ہے۔

اس ضمن میں انجمن تاجران کا کہنا ہے کہ شٹرڈاؤن ہڑتال کی کال مرکزی انجمن تاجران بلوچستان نے دی ہے تاہم ہڑتال مرکزی انجمن تاجران بلوچستان کی کال پر کی گئی ہے۔

انجمن تاجران نے اعلان کیا ہے کہ شٹرڈاؤن ہڑتال کے دوران کوئٹہ میں تمام تجارتی کاروباری مراکز بند ہیں۔

کوئٹہ انمن تاجران کے صدر کا کہنا ہے کہ سانحہ مچھ کی جتنی بھی مذمت کی جائے کم ہے تاہم عوام کو تحفظ فراہم کرنا حکومت کی اولین ذمہ داری ہے

صدرانجمن تاجران عبدالرحیم کاکڑ نے واضح کیا ہے کہ ہزارہ برادری کے ساتھ اظہاریکجہتی کے طورپر شٹرڈاون ہڑتال کررہے ہیں۔

یاد رہے کہ کوئٹہ بھر میں سانحہ مچھ کے خلاف ہزارہ برادری کی میتوں کے ہمراہ دھرنا پانچویں روز بھی جاری ہے تاہم دھرنے میں 10 جاں بحق کانکنوں کی میتیں تاحال موجود لواحقین کی جانب سے تدفین سے انکار کردیا گیا ہے۔

دھرنے کے شرکاء کا کہنا ہے کہ جب تک دھرنے پر وزیراعظم عمران خان نہیں آئیں گے دھرنا جاری رہے گا تاہم دھرنے میں بزرگ جوان و خواتین کی بڑی تعداد شریک ہیں۔

کوئٹہ میں جاری دھرنے کے باعث صوبے کا اہم شاہراہ پانچ روز سے بلاک جس سے عوام کو سفر کرنے میں مشکلات کا سامنا کرنا پڑرہا ہے تاہم دھرنے کو ختم کرنے کےلئے حکومتی کوششیں تاحال ناکام ہوگئے ہیں۔