پاکستان شوبز انڈسٹری کو خیر باد کہنے والی سابق اداکارہ نور بخاری نے اپنے شوہر کے بارے میں بتا دیا۔

 تفصیلات کے مطابق نے گزشتہ روز سماجی رابطے کی ویب سائٹ انسٹاگرام پر ایک سوال و جواب کا سیشن رکھا جس میں اُن کے چاہنے والوں نے اُن سے مختلف سوالات کیے۔

مزید پڑھیں

حمیمہ ملک نے اداکارہ نور بخاری کو کیا کہا؟

پاکستان شوبز انڈسڑری کی معروف اداکارہ حمیمہ ملک نے سابق اداکارہ نور...

سوال و جواب کے اس سیشن کے دوران ایک صارف نے نور بخاری سے اُن کے شوہر کے بارے میں سوال کیا۔

صارف نے پوچھا کہ ’آپ کے شوہر کا نام کیا ہے؟ اور اُن کا تعلق کس شعبے سے ہے؟

نور بخاری نے کہا کہ ’میرے شوہر کا نام عون چوہدری ہے اور وہ ایک سیاستدان ہیں۔‘

علاوہ ازیں ایک اور صارف نے اپنے سوال میں کہا کہ ’آپ اپنے شوہر کے بارے میں کچھ بتائیں کیونکہ ہم نے کبھی آپ دونوں کو ایک ساتھ نہیں دیکھا۔‘

اداکارہ نور بخاری نے اپنے شوہرعون چوہدری کو دُنیا کا بہترین آدمی قرار دیا۔

دوسری جانب نور بخاری نے انسٹا اسٹوری میں عون چوہدری اور اپنی بیٹی کی تصویر شیئر کی۔

نور بخاری نے تصویر شیئر کرتے ہوئے صارف کو جواب دیا کہ ’میرے شوہر میرے ہیرو ہیں۔‘

یاد رہے کہ عون چوہدری تحریک انصاف کے رہنما ہیں، عمران خان سے ان کی دیرینہ قربت اور وفاداری ہے۔

اگست 2018 میں عمران خان کے وزیر اعظم بننے کے بعد عون چوہدری اس مختصر وفد کا بھی حصہ تھے جو نومنتخب وزیر اعظم کے ساتھ عمرہ کرنے سعودی عرب گیا۔

واضح رہے کہ عون چوہدری وزیر اعظم کے اس قریبی حلقے کا حصہ تھے جو جنوری 2018 میں ان کی تیسری شادی کا راز داں تھا۔