پاکستان کی جانب سے سعودی عرب اور قطر کے درمیان تعلقات کی بحالی کا خیر مقدم کیا گیا ہے۔

تفصیلات کے مطابق ترجمان دفتر خارجہ زاہد حفیظ چوہدری کی جانب سے سعودی عرب اور قطر کے درمیان تعلقات کی بحالی کا خیر مقدم کیا گیا ہے۔

اس ضمن میں ترجمان دفتر خارجہ کی جانب سے ایک پیغام جاری کیا گیا ہے جس میں انہوں نے کہا ہے کہ پاکستان سعودی عرب اور قطر کے درمیان زمینی فضائی اور بحری سرحدیں دوبارہ کھولنے کے فیصلے کا خیر مقدم کرتا ہے۔

#Pakistan welcomes the decision by Kingdom of Saudi Arabia & State of Qatar to reopen land, air & sea borders. 🇵🇰 lauds positive role played by Emir of 🇰🇼.
 
We also appreciate other steps being taken by GCC countries, which will contribute to resolution of outstanding issues. pic.twitter.com/utRBBjtlSr

Advertisement

— Ministry of Foreign Affairs – Pakistan (@ForeignOfficePk) January 5, 2021

انہوں نے کہا ہے کہ ہم گلف تعاون کونسل کی جانب سے گذشتہ چار سال سے ممالک کے درمیان حل طلب مساٸل کے حوالے سے اقدامات کا بھی خیر مقدم کرتے ہیں ۔

ان کا مزید کہنا تھا کہ پاکستان امیر کویت کی جانب سے خلیج تعاون کونسل ممالک کے مابین اختلافات ختم کروانے کے لیے ادا کردہ مثبت کردار کوسراہتا ہے کیونکہ ان کی مسلسل اور مخلصانہ کاوشوں اور جی سی سی ممالک کے باہمی تعاون کے مثبت اور حوصلہ افزا نتائج سامنے آ رہے ہیں ۔

اس ضمن میں ترجمان دفتر خارجہ کا کہنا تھا کہ ہم امید کرتے ہیں کہ جی سی سی کے آج العلاء میں ہونے والے اجلاس سے حوصلہ افزاء پیش رفت ہوگی تاہم خلیج تعاون کونسل کے ممالک کے درمیان اعتماد مزید بڑھے گا۔