پاکستان شوبز انڈسٹری کی اداکارہ عائشہ عمر نے کہا کہ جب ضرورت ہوگی ہراساں کرنے والے شخص کا نام سامنے لاؤں گی۔

تفصیلات کے ماطابق  اداکارہ عائشہ عمر نے اپنے حالیہ انٹرویو میں انکشاف کیا کہ انہیں جنسی ہراسانی کے واقعات سامنے لانے کی قیمت ادا کرنی پڑی اور انہوں نے اس کی وجہ سے بہت کچھ کھویا۔

مزید پڑھیں

اداکارہ عائشہ عمر کا حال کون نہیں جانتا؟

پاکستان شوبز انڈسڑری کی سپر ماڈل، میزبان و اداکارہ عائشہ عمر کی...

عائشہ عمرکے مطابق ’جنسی ہراسانی کا واقعہ سامنے لانے کے بعد ایک بہت بڑے برانڈ نے انہیں اس وقت کام دینے سے انکار کیا۔

اس حوالے سے اداکارہ نے بتایا کہ برانڈ نے ان سے کہا کہ اگر وہ جنسی ہراساں کرنے والے شخص کا نام نہیں بتاتیں تو وہ ان کے ساتھ کام نہیں کر سکتے۔

انہوں نے ہراساں کرنے والے شخص کا نام نہیں لیا، کیونکہ ابھی وہ اس شخص کا نام نہیں لینا چاہتیں۔

تاہم عائشہ عمر نے انڈسٹری میں ہراساں کیے جانے کے حوالے سے انکشاف کیا تھا کہ انڈسٹری میں عمر سے دُگنا طاقتور شخص ہراساں کرتا رہا ہے جس کا ذکر انہوں نے 15 برس تک کسی سے نہیں کیا۔

عائشہ عمر کا کہنا تھا کہ جب انہوں نے انڈسٹری میں قدم رکھا تو اس وقت اُن کی عمر 23 سال تھی، اُس وقت میری عمر سے دُگنے طاقتور آدمی نے مجھے جنسی ہراسانی کا نشانہ بنایا اور یہ سلسلہ برسوں تک چلتا رہا۔

واضح رہے اداکارہ نے کہا کہ جب وہ سمجھیں گی کہ اس شخص کا نام لینا چاہیے تو وہ خود ہی دنیا کو بتا دیں گی لیکن ابھی ان کے خیال میں ان کا نام لینا درست نہیں۔