پاکستان شوبز انڈسٹری کی نامور تمغۂ امتیاز حاصل کرنے والی اداکارہ مہوش حیات نے ماضی کی معروف اداکارہ اور شان شاہد کی والدہ نیلو بیگم کے انتقال پر اظہارِ تعزیت کیا۔

تفصیلات کے مطابق مہوش حیات نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ ’میڈم نیلو جی کے انتقال کی خبر سُن کر بہت زیادہ دکھ ہوا۔‘

مزید پڑھیں

شان شاہد کا والدہ کی یاد میں جذباتی پیغام جاری

پاکستان فلم انڈسٹری کی معروف اداکارہ نیلو بیگم کے بیٹے اداکار شان...

Most saddened to hear of the passing of Madam Neelo ji. It is pioneers like her in whose footsteps we walk. May Allah grant her the highest place in Jannat and give her family Sabr to overcome this loss. My condolences @mshaanshahid

Advertisement

— Mehwish Hayat TI (@MehwishHayat) January 31, 2021

یاد رہے کہ 80 سالہ نیلو بیگم دو روز قبل لاہور میں انتقال کرگئی تھیں۔

اداکارہ نیلو بیگم فلم ڈائریکٹر مرحوم ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ ریاض تھا۔

اداکارہ نیلو 1940 میں بھیرہ میں پیدا ہوئیں، 1956میں فلم ’بھوانی جنکشن‘ میں بطور چائلڈ اسٹار کام کیا۔

انہوں نے کئی یاد گار فلموں میں فنِ اداکاری کے جوہر دکھائے، جن میں دوشیزہ، عذرا، زرقا، بنجارن، بیٹی، ڈاچی، جی دار، ناگن اور شیر دی بچی شامل ہیں۔

فلم ’سات لاکھ کا گانا‘ آئے موسم رنگیلے نیلو کی پہچان بنا۔

اداکارہ کافی عرصے سے کینسر کے مرض میں مبتلا تھیں۔

گزشتہ روز لاہور میں نیلو بیگم کی نمازِ جنازہ ادا کی گئی تھی، نمازجنازہ میں فلمی و سماجی شخصیات کی کثیر تعداد نے شرکت کی اور مرحومہ کی مغفرت کے لیے دُعا کی۔

مہوش حیات نے کہا کہ ’اُنہوں نے اپنے کام سے اور اپنی شخصیت سے مجھ سمیت تمام فنکاروں کو بہت مُتاثر کیا ہے۔‘

اداکارہ نے کہا کہ ’ہم آج بھی میڈم نیلو جی کے نقش قدم پر چلتے ہیں۔‘

یادرہے کہ مہوش حیات نے مرحومہ کی مغفرت کے لیے دُعا کرتے ہوئے لکھا کہ ’اللّہ انہیں جنت میں اعلیٰ مقام عطا فرمائے اور اُن کے اہل خانہ کو صبر عطا فرمائے۔‘

واضح رہے اداکارہ نے مزید کہا کہ ’میری دلی تعزیت اداکار شان شاہد کے ساتھ ہے۔‘