پاکستان کی معروف ٹک ٹاک اسٹار اریکا حق ایک اور بڑا اعزاز اپنے نام کرنے میں کامیاب ہوگئیں۔

تفصیلات کے مطابق ویڈیو شیئرنگ ایپ ٹک ٹاک پر منفرد ادکاری کرکے انتہائی کم عرصے میں مقبولیت حاصل کرنے والی اریکا حق کے ٹک ٹاک فالوورز کی تعداد 8 ملین یعنی 80 لاکھ ہوگئی ہے۔

مزید پڑھیں

معروف اداکارہ صبا قمر نے ٹک ٹاک اسٹار اریکا حق کی حمایت میں آواز بلند کر لی

پاکستانی کی معروف اداکارہ صبا قمر نے ٹک ٹاک اسٹار اریکا حق...

اریکا حق پاکستان کی چھٹی ٹاپ ٹک ٹاک ماڈل بن گئی ہیں۔

پاکستان کی نمبر ون ٹک ٹاک اسٹار جنت مرزا ہیں جنہیں اس وقت ٹک ٹاک پر 13 ملین سے زائد صارفین نے فالو کیا ہوا ہے۔

پاکستان کی دوسری ٹاپ ٹک ٹاک اسٹار کنول آفتاب ہیں جنہیں اس وقت ٹک ٹاک پر 11 ملین سے زائد صارفین نے فالو کیا ہوا ہے۔

تیسرے نمبر پر ذوالقرنین سکندر، چوتھے نمبر جنت مرزا کی چھوٹی بہن علشبہ انجم ہیں جبکہ پانچویں نمبر پر حور ماہاویرا ہیں۔

اریکا حق کے ٹک ٹاک اکاؤنٹ کا جائزہ لیں تو اُنہوں نے اب تک کئی ویڈیوز اپ لوڈ کی ہیں جن پر کروڑوں میں لائکس آئے ہیں۔

دوسری جانب اریکا حق کے مداح ناصرف اُنہیں ٹک ٹاک پر فالو کرتے ہیں بلکہ انسٹاگرام پر موجود اُن کے اکاؤنٹ کو بھی دو ملین یعنی 20 لاکھ صارفین نے فالو کیا ہوا ہے۔

واضح رہے کہ عاصم اظہر کا گانا ’تُم تُم‘ گزشتہ سال ریلیز ہوا تھا جسے کافی مقبولیت بھی حاصل ہوئی تھی۔

عاصم اظہر کے اِس گانے کی مرکزی کردار معروف ٹک ٹاک اسٹار اریکا حق تھیں۔

 جبکہ گانے میں عاصم اظہر، اُردو ریپ سانگ کے گلوکار رامس، طلحہ یونس، طلحہٰ انجم اور گلوکار و اداکار تیمور صلاح الدین عرف مورو نے بھی اپنی اداکاری کے جوہر دکھائے تھے۔