پاکستان شوبز انڈسٹری کی معروف اداکارہ مہوش حیات نے گزشتہ ایک روز سے لاپتہ ہونے والے عالمی شہرت یافتہ کوہ پیما علی سد پارہ اور اُن کی ٹیم کے لیے سوشل میڈیا پر دُعائیہ پیغام جاری کردیا۔

تفصیلات کے مطابق مہوش حیات نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ ’آج ہمارے خیالات اور سوچوں میں صرف کوہِ پیما  محمد علی سدپارہ، ان کے ساتھی آئس لینڈ کے جان اسنوری اور چلی کے جے پی موہر کا ذکر ہوگا۔‘

مزید پڑھیں

وزیر اعظم سے وزیراعلیٰ پنجاب کی ملاقات

وزیر اعظم عمران خان سے لاہور میں وزیر اعلی پنجاب عثمان بزدار...

مہوش حیات نے اپنی خوبصورتی کا راز بتا دیا

پاکستان شوبز انڈسٹری کی تمغہ امتیاز حاصل کرنے والی خوبصورت اداکارہ مہوش...

Tonight our thoughts are with the intrepid climbers, Muhammed Ali Sadpara, John Snorri from Iceland & MP Mohr from Chile who remain missing on K2. Let’s all pray for the safe return of these brave men. 🤲🏻#k2winterexpedition2021 #alisadpara #JohnSnorri #MPMohr pic.twitter.com/nvv8VQHjtO

Advertisement

— Mehwish Hayat TI (@MehwishHayat) February 6, 2021

اس حوالے سے مہوش حیات نے کہا کہ ’اُن کے اہلخانہ سمیت ہم بھی اُن کی اچانک گمشدگی پر شدید پریشان اور افسردہ ہیں۔‘

اداکارہ نے مزید کہا کہ ’آئیے، اُن بہادر نوجوانوں کی واپسی کے لیے ملکر دُعا کریں۔‘

تاہم مہوش حیات کے اس ٹوئٹ پر صارفین کی بڑی تعداد کوہِ پیما اور اُن کی ٹیم کی جلد واپسی کے لیے دُعا کررہی ہے۔

دنیا کی دوسری بلند چوٹی کے ٹو کو موسمِ سرما میں سر کرنے والے ملک کے عالمی شہرت یافتہ کوہ پیما علی سد پارہ کی تلاش میں آج پھر سرچ آپریشن شروع ہو چکا ہے۔

تاہم ان کی تلاش کے لیے گزشتہ روز بھی سرچ آپریشن کیا گیا تھا۔

علی سدپارہ اور ان کی ٹیم کو گزشتہ روز ہیلی کاپٹرز کے ذریعے 7 ہزار میٹر کی بلندی تک تلاش کیا گیا۔

واضح رہے کہ ان کی تلاش میں شروع کیئے گئے ریسکیو مشن کے دوران آرمی ہیلی کاپٹروں نے 7000 میٹر کی بلندی تک پرواز کی ہے تاہم ابھی تک تینوں کوہ پیماؤں کا کوئی سراغ نہیں مل سکا۔