امریکی صدر جوبائیڈن کا کہنا ہے کہ یکم مئی تک افغانستان سے فوجیں نکالنے کی ڈیڈلائن پوری کرنا مشکل ہے، تاہم افغانستان میں زیادہ عرصے تک رہنے کا ارادہ نہیں۔

امریکی صدر جوبائیڈن نے وائٹ ہاؤس میں پریس کانفرنس کرتے ہوئے کہا کہ افغانستان کو محفوظ اور منظم انداز میں چھوڑنا چاہتے ہیں، ہم افغانستان سے نکلیں گے، لیکن سوال یہ ہے کہ کب نکلیں گے؟

جوبائیڈن نے کہا کہ افغانستان میں اگلے برس امریکی فوجوں کو نہیں دیکھ رہا ہوں۔

عالمی وباء کورونا وائرس کی ویکسین پر بات کرتے ہوئے امریکی صدر نے کہا کہ سو روز کے اندر ویکسین کی دو سو ملین خوراکیں فراہم کرنے کا ارادہ ہے، کورونا کے بعد امیگریشن اور گن کنٹرول جیسے مسائل پر کام کیا جائے گا۔

جوبائیڈن نے کہا کہ تارکین وطن کے معاملے پر میکسیکو سے بات چیت جاری ہے، امریکی سرحد سے تارکین وطن کی بڑی تعداد کو واپس بھیجا جا رہا ہے۔