مریم نوازکا نیب پیشی پرکارکنوں کو ساتھ لانےکا اعلان، نیب نےعدالت سےرجوع کرلیا

مریم نواز کا نیب پیشی پر کارکنوں کو ساتھ لانےکا اعلان، نیب نے عدالت سے رجوع کرلیا

وریشہ مسعود

24th Mar, 2021. 05:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مریم نواز کا نیب پیشی پر کارکنوں کو ساتھ لانےکا اعلان، نیب نے عدالت سے رجوع کرلیا

قومی احتساب بیورو (نیب) نے مریم نواز کی پیشی کے موقع پر کارکنوں کو ساتھ لانے کے اعلان کیخلاف لاہور ہائیکورٹ سے رجوع کر لیا ہے۔

لاہور ہائیکورٹ میں نیب کی جانب سے دائر درخواست میں کہا گیا ہے کہ مریم نواز کے بیان سے صاف ظاہر ہے کہ وہ انکوائری میں پیش ہونے کے بجائے نیب تحقیقات میں رکاوٹ ڈالنا چاہتی ہیں۔

نیب نے لاہور ہائیکورٹ میں دائر درخواست دائر میں نشاندہی کی ہے کہ انکوائری کیلئے مریم نواز کو نیب نے 26 مارچ کو دو کیسز میں طلب کیا ہے لیکن انہوں نے پی ڈی ایم کے کارکنوں کے ساتھ نیب میں پیش ہونے کا اعلان کیا ہے۔

درخواست میں کہا گیا کہ مریم نواز نے دھمکی دی ہے کہ وہ اکیلی نیب میں پیش نہیں ہوں گی۔

درخواست میں یہ بھی کہا گیا کہ نیب قانون کے مطابق تحقیقات کر رہا ہے جبکہ نیب نے چوہدری شوگر مل میں مریم نواز کی ضمانت منسوخی کی درخواست دائر کر رکھی ہے۔

دائر درخواست میں نیب نے استدعا کی کہ مریم نواز کو پابند کیا جائے کہ وہ پیشی کے وقت مجمع کیساتھ نہ آئیں۔