ملک میں آزاد اور ذمہ دار صحافت کے فروغ کے لئے کوشاں رہیں گے، شبلی فراز

وریشہ مسعود

24th Mar, 2021. 11:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں آزاد اور ذمہ دار صحافت کے فروغ کے لئے کوشاں رہیں گے، شبلی فراز

سینیٹر شبلی فراز نے کہا ہے کہ ملک میں آزاد اور ذمہ دار صحافت کے فروغ کے لئے کوشاں رہیں گے۔

تفصیلات کے مطابق سینیٹر شبلی فراز نے اے پی این ایس کے نو منتخب صدر سرمد علی کو مبارکباد پیش کی جبکہ ناز آفرین کو سیکرٹری جنرل،جمیل اطہر قاضی کو سینئر نائب صدر ،شہاب زبیری نائب صدر ،محسن بلال اور اویس خوشنود کو بھی جوائنٹ اور فنانس سیکرٹریز منتخب ہونے پر مبارکباد پیش کی۔

اپنے بیان میں سینیٹر شبلی فراز نے کہا کہ نومنتخب عہدے داران کا انتخاب ان کی قائدانہ صلاحیتوں اور میڈیا انڈسٹری کے ان پر اعتماد کا مظہر ہے۔

شبلی فراز نے کہا کہ آزادی اظہار کے بنیادی اور جمہوری حق پر کامل یقین رکھتے ہیں، آئین پاکستان کا آرٹیکل 19 اظہار رائے کی آزادی کو تحفظ فراہم کرتا ہے۔

انھوں نے یہ بھی کہا کہ ذرائع ابلاغ کی ترقی اور میڈیا صنعت کو درپیش چیلنجز کے حل کے لیے تمام ممکنہ اقدامات سمیت مشترکہ کاوشوں کو آگے بڑھائیں گے۔

سینیٹر شبلی فراز نے مزید کہا کہ امید ہے نومنتخب عہدیداران صحافتی برادری اور میڈیا کارکنان کے مسائل کے حل کے لیے اپنا ذمہ دارانہ کردار ادا کریں گی۔