رہنما ن لیگ خرم دستگیر نے کہا ہے کہ پیپلزپارٹی کو بھی پی ڈی ایم کو ساتھ لیکرچلنا پڑے گا۔

تفصیلات کے مطابق رہنما ن لیگ خرم دستگیر نے بول نیوز کے پروگرام بس بہت ہوگیا میں گفتگو کرتے ہوئے کہا کہ ہم بھی سمجھتےہیں پی پی سندھ کی بڑی جماعت ہے، کوشش ہوگی کہ پیپلزپارٹی کو ساتھ لے کرچلیں۔

خرم دستگیر نے کہا کہ پی ڈی ایم میں استعفوں کے بغیر لانگ سے متعلق سوچ بچار جاری ہے ،پیپلزپارٹی کو بھی پی ڈی ایم کو ساتھ لیکرچلنا پڑے گا۔

رہنما ن لیگ خرم دستگیر نے مزید کہا کہ پی ڈی ایم میں ایک سنجیدہ سوچ ہے جبکہ پی ڈی ایم چاروں صوبوں کا اتحاد ہے اور پی پی کے فیصلے کے بعد آئندہ کالائحہ عمل طےکرینگے۔

اس موقع پر پی ٹی آئی رہنما فرخ حبیب نے بھی بول نیوز کے پروگرام بس بہت ہوگیا میں گفتگو کرتے ہوئے کہا کہ استعفے اب تو پی ڈی ایم کی چھیڑ بن چکےہیں، پہلے تویہ استعفے لینے آئے تھے اب استعفے دینے کی باتیں کررہے ہیں۔

فرخ حبیب نے کہا کہ آصف زرداری استعفے دینےکو تیار نہیں ہیں ، زرداری صاحب نے ن لیگ کو ٹشو کی طرح استعمال کیا ہے جبکہ زرداری صاحب نے ان لوگوں کو ٹرک کی بتی کے پیچھے لگادیا ہے۔

رہنما پی ٹی آئی فرخ حبیب نے مزید کہا کہ ن لیگ کے حصے میں سوائے رسوائی کے کچھ نہیں آیا، پہلے دن سےادراک ہے11جماعتیں ہیں11کہانیاں اور11ایجنڈے ہیں، یہ لوگ خود ایک پیج پر نہیں ہیں توپی ڈی ایم آگے کیسے چلے گی۔