پہلا گانا کس کے پیسوں سے ریکارڈ کرایا تھا، عاطف اسلم کا اہم انکشاف

اریبہ نثار

14th Mar, 2021. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پہلا گانا کس کے پیسوں سے ریکارڈ کرایا تھا، عاطف اسلم کا اہم انکشاف

پاکستان شوبز انڈسٹری کے معروف گلوکارعاطف اسلم نے مداحوں کو بتایا کہ انہوں نے پہلا گانا کس کے پیسوں سے ریکارڈ کرایا تھا۔

عاطف اسلم نے کہا کہ انہوں نے اپنا پہلا گانا والد کی جانب سے کالج ٹرپ کے لیے جانے والے پیسوں سے ریکارڈ کروایا تھا۔

عاطف اسلم نے انٹرویو میں کہا کہ ان کے والد نے انہیں کالج ٹرپ کے 20 بک (50 ڈالر ) دیے تھے جسے جمع کرکے انہوں اپنا پہلا گانا ’عادت‘ ریکارڈ کروایا تھا۔

گلوکار نے بتایا کہ ریلیز کے بعد ان کا گانا عادت لوگوں میں پسند کیا جانے لگا۔

انہوں نے اپنے پہلے گانے کے حوالے سے مزید بتایا کہ گانا چونکہ آڈیو ریکارڈ تھا اس لیے لوگ دیکھنا چاہتے تھے کہ یہ گانا کس نے گایا ہے۔

گلوکار کا کہنا تھا کہ اس کے بعد اور پیسے جمع کیے اور ویڈیو شوٹ ریکارڈ کروایا، یہی وہ آغاز تھا جس کے بعد پیچھے مڑ کر نہیں دیکھا۔

دوسری جانب میوزک کیرئیر کے آغاز سے متعلق عاطف نے کہا کہ شفٹنگ کے باعث ہمارا گھر خالی تھا اور میں نے خالی گھر میں گلوکاری کا آغاز کیا۔

واضح رہے عاطف اسلم نے بتایا کہ اس وقت میں 13 یا 14 سال کا لڑکا تھا جس کے پاس میوزک کے حوالے سے کوئی معلومات نہیں تھی، تب مجھے ایک دوست نے گٹار دیا اور اس گٹار نے ان کے میوزک کیرئیر میں اہم کردار اداکیا۔