کانگریس کے سابق صدر راہول گاندھی نے بے روزگاری اور مہنگائی کے حوالے سے ایک بار پھر مودی حکومت کو تنقید کا نشانہ بنایا۔
تفصیلات کے مطابق کانگریس کے سابق صدر راہول گاندھی نے اپنے ایک پیغام میں مودی پر تنقید کرتے ہوئے کہا کہ مودی حکومت میں بے روزگاری بڑھتی ہی جا رہی ہے، اور وزیر اعظم بڑی بڑی تقریریں کرتے پھررہے ہیں۔
راہول گاندھی نے کہا کہ کوویڈ19سے پہلے 9.9 کروڑ لوگ متوسط آمدنی والے گروپ کا حصہ تھے لیکن اب یہ تعداد 6.6 کروڑ تک رہ گئی ہے۔
اپنے پیغام میں کانگریس کے سابق صدر راہول گاندھی نے ایک رپورٹ بھی شیئر کی ہے جس میں بتایا گیا ہے کہ متوسط آمدنی والے طبقہ سے ایک تہائی لوگ نکل گئے ہیں۔
اس رپورٹ میں بتایا گیا ہے کہ سال2011 سے 2019 کے درمیان7 سے 5 کروڑ لوگ ذیلی آمدنی والے طبقہ سے نکل کر متوسط آمدنی والے طبقہ کا حصہ بنے تھے۔ روزانہ ڈیڑھ سو روپے یا اس سے کم کمانے والوں کی تعداد 7.5 کروڑ جا پہنچی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
