حج کی ادائیگی کے لیے کورونا ویکسین کی شرط عائد

وریشہ مسعود

19th Mar, 2021. 06:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حج کی ادائیگی کے لیے کورونا ویکسین کی شرط عائد

حج کی ادائیگی کے لیے منظور شدہ کورونا ویکسین کی شرط عائد کردی گئی ہے۔

تفصیلات کے مطابق سعودی وزارت صحت نے اپنے ایک بیان میں کہا کہ امسال اندرون ملک اور بیرون مملکت سے فریضہ حج کی ادائیگی کے لیے آنے والوں کیلئے منظور شدہ کورونا ویکسین کی شرط عائد کردی ہے۔

سعودی وزارت صحت نے یہ بھی کہا کہ اندرون مملکت سے جو حج کرنا چاہتے ہیں وہ ذوالحجہ سے قبل کورونا ویکسینیشن کا کورس مکمل کریں۔

سعودی وزارت صحت کا کہنا تھا کہ بیرون مملکت سے آنے والے عازمین کے لیے لازمی ہوگا کہ وہ عالمی ادارہ صحت کی جانب سے منظورشدہ کورونا ویکسین لگوائے جانے کا مصدقہ ثبوت پیش کریں۔

سعودی وزارت صحت کا یہ بھی کہنا تھا کہ حج سیزن میں کام کرنے والوں کے لیے بھی لازمی ہوگا کہ وہ مملکت میں منظورشدہ کورونا ویکسین کی خوراک حاصل کرچکے ہوں جبکہ حج سیزن میں کام کرنے والے مستقل طور پر ماسک لگانے کے پابند ہونگے۔

سعودی وزارت صحت کا مزید کہنا تھا کہ امسال حج کے لیے مقررہ ضوابط کے مطابق مملکت آنے سے زیادہ سے زیادہ 72 گھنٹے قبل کا ’پی سی آر‘ ٹیسٹ کرانا لازمی ہوگا جبکہ مملکت پہنچنے والے عازمین حج کو 72 گھنٹے کے لیے قرنطینہ کیا جائے گا۔