ایم کیو ایم پاکستان کے رہنما خالد مقبول صدیقی نےکہا کہ پاکستان کی ترقی وتعمیر میں نوجوانوں اورطالب علموں کواپنا کردارادا کرنا ہوگا ۔

تفصیلات کے مطابق یوم پاکستان پر ایم کیو ایم پاکستان کے کنوینر ڈاکٹر خالد مقبول صدیقی نے  اپنے خصوصی پیغام میں کہا کہ آج ہی کے دن  1940میں بانیان پاکستان نے ایک علیحدہ وطن کا خواب دیکھا تھا جو کہ 14 اگست 1947 کوشرمندہ تعبیر ہوا لیکن  آج کے دن ہمیں اس عہد کا عزم کرنا ہو گا جس میں ہم پاکستان کوبانیاں پاکستان کے خوابوں کے مطابق تعمیر کریں گے۔

ایم کیو ایم کےرہنما خالد مقبول نے یہ بھی کہا کہ ہم اس ملک کو حقیقی معنوں میں فلاحی و جمہوری ریاست بنائیں گے جہاں سب کوبلا امتیازومذہب ورنگ برابری کے حقوق حاصل ہوں گے۔

انہوں نے کہا کہ ہم ایک ایسا وطن چا ہتے ہیں جہاں جاگیر دارانہ و ڈیرانہ نظام نہ ہو بلکہ ایک ایسا نظام ہو جہاں کسان کی نمائندگی کسان کر رہا ہو، مزدور کی نمائندگی مزدور اور عوام کی نمائندگی خاندانوں کے بجائے انکے حقیقی نمائندے کر رہے ہوں۔

خالد مقبول صدیقی کا کہنا تھا کہ ایم کیو ایم پاکستان ایک ایسے نظام کیلئے جدہ جہد کر رہی ہے جو بانیان پاکستان کے اتقار کے مطابق ہوں۔

ایم کیو ایم پاکستان کے رہنما خالد مقبول صدیقی نے 81 ویں یوم پاکستان کی مبارک باد قوم کو دیتے ہوئےمزید  کہا کہ پاکستان کی ترقی و تعمیر میں نوجوانوں اور طالب علموں کو اپنا کردار ادا کرنا ہوگا اور ایک ایسا پاکستان تعمیر کرنا ہوگا جہاں سب معاشی،اقتصادی، سیاسی، سماجی اور مذہبی آزادی کے ساتھ رہ سکیں۔