گھوٹکی کے علاقے اوباڑو میں دھماکہ ،4 بچے زخمی

وریشہ مسعود

07th Mar, 2021. 05:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گھوٹکی کے علاقے اوباڑو میں دھماکہ ،4 بچے زخمی

گھوٹکی میں ڈی ایس پی کے دفتر کے قریب دھماکا ہوا ، دھماکے میں چار بچے زخمی ہوگئے۔

تفصیلات کے مطابق صوبہ سندھ کے ضلع گھوٹکی کے علاقے اوباڑو میں ڈی ایس پی کے دفتر کے قریب زوردار دھماکے سے چار بچے شدید زخمی ہوگئے جنہیں تشویشناک حالت میں شیخ زید اسپتال رحیم یارخان منتقل کیاگیا ہے۔

ایس پی گھوٹکی عمرطفیل نے میڈیا سے بات چیت کرتے ہوئے کہا کہ شواہد اکٹھے کرنے بعد علاقے کو بم ڈسپوزل اسکواڈ نے کلیئر قرار دے دیا گیا ہے۔

دھماکے کے حوالے سے عمرطفیل نے کہا کہ تعطیل کا دن ہونے کے باعث بچے خالی گراونڈ میں کھیل رہے تھے ان کے ہاتھ کوئی دھماکہ خیزمواد لگا جسے آگ لگانے کے دوران دھماکہ ہوا ہے۔

ایس پی گھوٹکی عمرطفیل نے مزید کہا کہ دھماکے کی نوعیت اور دھماکہ خیزمواد کے متعلق تعین کیا جارہا ہے ،زخمی بچوں میں عاشق علی ،علی عباس،علی رضا،ذیشان شامل ہیں۔

دوسری جانب آئی جی سندھ نے گھوٹکی میں ڈی ایس پی کے دفتر کے قریب مبینہ دھماکے کا نوٹس لیتے ہوئے ایس پی گھوٹکی سے پولیس اقدامات و کارروائی کی تفصیلات طلب کرلیں ہیں۔