معاون خصوصی برائے سیاسی ابلاغ ڈاکٹر شہباز گِل نے کہا ہے کہ پیپلزپارٹی نے نااہل لیگ اور مولانا کو آئینہ دکھا دیا۔
تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے مولانا فضل الرحمان کے بیان پر ردعمل دیتے ہوئے کہا کہ عوام کے پاس عوامی لیڈرز جاتے ہیں ذاتی مفادات کیلئے لڑنے والے نہیں۔
معاون خصوصی برائے سیاسی ابلاغ نے کہا کہ کرپٹ الائنس کو عوام پہلے ہی مسترد کر چکی ہے جبکہ پی ڈی ایم غیر آئینی رستے پر چل کر ملک میں انتشار پیدا کرنا چاہتی ہے۔
ڈاکٹر شہباز گِل نے یہ بھی کہا کہ پی ڈی ایم کی ناکامی کی وجہ انکے پاس عوامی طاقت کا نہ ہونا ہے، ذاتی مفادات کی رکھوالی کیلئے بنائے گئے اتحاد کا ملکی مسائل سے کوئی تعلق نہیں ہے۔
معاون خصوصی برائے سیاسی ابلاغ ڈاکٹر شہباز گِل نے مزید کہا کہ مولانا ایک بار پھر بکھری پی ڈی ایم کے لٹیروں کو اکٹھا کرنے کے مشن پر ہیں، مولانا دوسروں کی منتوں کے بجائے اپنی پارٹی کے استعفوں سے شروعات کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
