پاکستان پیپلز پارٹی (پی پی پی) کی رہنما و نومنتخب سینیٹر پلوشہ خان نے کہا ہے کہ وفاقی حکومت چوروں کا کنبہ ہے، سب ملک سے بھاگنے کی تیاری میں ہیں۔

تفصیلات کے مطابق پی پی پی کی نومنتخب سینیٹر پلوشہ خان نے بلدیہ ٹاون کراچی میں ریلی سے خطاب کرتے ہوئے کہا کہ سونامی غرق ہوچکا، سینیٹ الیکشن میں شکست خوردہ وزیراعظم  کس منہ سے خطاب کررہا ہے۔

پلوشہ خان نے کہا کہ کل شام سے عمران خان حیرت کے سمندر میں غرق ہیں جبکہ آج ملک کا وزیر اعظم طوطا مینا کی کہانی سناتا رہا جو کذب کہانی ہے۔

پی پی پی کی نومنتخب سینیٹر نے یہ بھی کہا کہ جہانگیر ترین کے جہاز میں لوٹے بھر کر حکومت بنانے والے اخلاقیات کے درس دیتے پھر رہے ہیں جبکہ چوہدری سرور کیسے پنجاب سے سینیٹر بننے کیا عمران نیازی یہ بھول گئے ہے؟

پلوشہ خان کا کہنا تھا کہ اپنے اے ٹی ایمز کو جتوانے کے لیے رات کی تاریکی میں آڑینینس جاری کیا جو کام نہ آیا جبکہ آئی آیف ایم کے نمائندے کو سینیٹر بنوانے کے لیے عمران نے قومی خزانے کا استعمال کیا لیکن یہ بھی کام نہ آیا۔

پاکستان پیپلز پارٹی (پی پی پی) کی رہنما و نومنتخب سینیٹر پلوشہ خان کا مزید کہنا تھا کہ عمران حکومت پر کل عدم اعتماد ہوچکا اب کسی اعتماد کی ووٹ کی گنجائش نہیں ، عمران خان خود گھر چلیں جائیں ورنہ نکال باہر پھینکیں گے۔