دلہے کے رقص پر امام کا نکاح پڑھانے سے انکار

وریشہ مسعود

24th Mar, 2021. 10:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دلہے کے رقص پر امام کا نکاح پڑھانے سے انکار

شادی کے دوسرے روز دولہا کورونا سے ہلاک، مہمان بھی وائرس کا شکار

باراتیوں کے ساتھ دلہے کے رقص اور مسلسل کئی گھنٹوں تک گانے بجانے پر امام مسجد نے سخت ‏ناراضی کا اظہار کرتے ہوئے نکاح پڑھانے سے صاف انکار کر دیا۔

تفصیلات کے مطابق یہ واقعہ بھارتی دارالحکومت دہلی میں پیش آیا جہاں سہرا سجائے دلہا بڑی دھوم دھام ‏سے بارات لے کر لڑکی والوں کے گھر پہنچا تو ڈھول کی تھاپ پر باراتیوں نے خوب رقص کیا۔

بارات کے ساتھ آئے ڈی جے نے خوب اونچی آواز میں گانے بجائے جس پر دلہے اور باراتیوں نے ‏ڈانس کیا، یہ سلسلہ کئی گھنٹے تک جاری رہا اور نکاح خواں کو دیا گیا وقت گزر گیا۔

شادی کے ہنگامے اور رقص کو دیکھتے ہوئے نکاح خواں نے یہ کہہ کر نکاح پڑھانے سے صاف انکار ‏کردیا کہ باراتیوں کو ظہر سے گانے بجانے سے منع کیا لیکن انہوں نے کوئی بات نہیں سنی اور ‏گانے بجاتے رہے۔

اس واقعے کی ویڈیو بھی سامنے آئی جس میں عیدگاہ مسجد کے پیش امام سفیان نکاح پڑھانے ‏سے انکار کی وجہ بتا رہے ہیں۔

نکاح خواں نے کہا کہ کئی گھنٹے تک محلے میں ڈھول تاشے سے ‏ہنگامہ برپا کیے رکھا اور منع کرنے کے باوجود ان کی بات نہیں مانی گئی اس لیے وہ نکاح نہیں ‏پڑھا رہے۔