ڈپٹی چیئرمین سینیٹ سلیم مانڈوی والا نے کہا ہے کہ وزیراعظم اگر کسی کو نہ چھوڑنا چائیں تو نہ چھوڑیں لیکن الیکشن کا ایک عمل ہے وہ رک نہیں سکتا ہے۔

تفصیلات کے مطابق سلیم مانڈوی والا نے میڈیا سے گفتگو کرتے ہوئے کہا ہے کہ وزیراعظم الیکشن کمیشن کو ذمہ دار ٹھہرا رہے تھے جبکہ الیکشن کمیشن نے آئین کے مطابق سینیٹ الیکشن کرائے ہیں۔

سلیم مانڈوی والا کا کہنا تھا کہ الیکشن کمیشن نے سینیٹ الیکشن 2021 کے دوران کہیں بھی آئین سے باہر جانے کی کوشش نہیں کی ہے۔

انہوں نے کہا کہ سینیٹ میں ہم سب کولیگ ہی ہوتے ہیں تاہم ہار جیت ایک پراسیس ہے، اس میں ہم ایک دوسرے کے دشمن نہیں ہوجاتے ہیں۔

انہوں نے بتایا کہ موجودہ چیئرمین سینیٹ صادق سنجرانی کے ساتھ انہوں نے 3 سال کام کیا ہے اور ان سے تعلقات بھی بہت اچھے ہیں۔

علاوہ ازیں احتساب عدالت نے کڈنی ہل ریفرنس میں ڈپٹی چیئرمین سینیٹ سلیم مانڈوی والا اور دیگر ملزمان پرآئندہ سماعت پر فردجرم عائد کرنے کا حکم دے دیا ہے۔

میڈیا سے گفتگو میں سلیم مانڈوی والا نے کہا ہے کہ بے نامی ٹرانزیکشن کا الزام غلط ہے اور یہ مقدمات بے بنیاد ہیں۔