چہرے اور مہرے بدلنے سے حکومت کا ڈاکہ نہیں چھپے گا، مریم اور نگزیب

وریشہ مسعود

30th Mar, 2021. 08:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چہرے اور مہرے بدلنے سے حکومت کا ڈاکہ نہیں چھپے گا، مریم اور نگزیب

پاکستان مسلم لیگ (ن) کی ترجمان مریم اور نگزیب نے کہا ہے کہ چہرے اور مہرے بدلنے سے حکومت کا ڈاکہ نہیں چھپے گا۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے وزیر خزانہ کی تبدیلی پر تبصرہ کرتے ہوئے کہا کہ ملکی معاشی سالمیت خطرے میں ڈالنے والوں کو بھاگنے نہ دیا جائے جبکہ حفیظ شیخ اور ندیم بابر کا نام ای سی ایل میں شامل کیا جائے۔

مریم اور نگزیب نے کہا کہ نالائق اعظم جب تک نہ بدلے گا مہریں اور شکلیں بدلنے سے کچھ فرق نہیں پڑے گا۔

پاکستان مسلم لیگ (ن) کی ترجمان کا کہنا تھا کہ خاص طور پر جبکہ ملکی معیشت کا جنازہ نکالنے، بدترین مہنگائی سے عوام کی چیخیں نکلوانے اور معاشی خود مختاری آئی ایم ایف کے حوالے کرنے والوں کو جیل بھیجا جائے۔

مریم اور نگزیب کا یہ بھی کہنا تھا کہ کرپشن اور نالائقی سے ڈوبتے ٹائیٹینک کو وزراء اور کرسیاں بدلنے، چھلانگیں لگانے سے بچایا نہیں جاسکتا۔

پاکستان مسلم لیگ (ن) کی ترجمان مریم اورنگزیب کا مزید کہنا تھا کہ نالائق اعظم مہروں سے کرپشن کراتا اور چوری سے عوام کی جیبیں کترواتا ہے، چہرے اور مہرے بدلنے سے عمران مافیا کا ڈاکہ نہیں چھپے گا ان کو جیلوں میں جانا پڑے گا۔