کل کا دن پاکستان کی تاریخ کا سب سے بڑا دن ہوگا، خرم شیر زمان

وریشہ مسعود

05th Mar, 2021. 08:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کل کا دن پاکستان کی تاریخ کا سب سے بڑا دن ہوگا، خرم شیر زمان

تحریک انصاف کے رکن سندھ اسمبلی خرم شیر زمان نے کہا ہے کہ کل کا دن پاکستان کی تاریخ کا سب سے بڑا دن ہوگا۔

تفصیلات کے مطابق تحریک انصاف کے رکن سندھ اسمبلی خرم شیر زمان نے پریس کانفرنس کرتے ہوئے کہا کہ وزیراعظم عمران خان کو خراج تحسین پیش کرتے ہیں کہ انہوں نے پارلیمنٹ سے اعتماد کا ووٹ لینے کا فیصلہ کیا ہے جبکہ اصل مقابلہ اعتماد کے ووٹ کے بعد شروع ہوگا۔

تحریک انصاف کے رکن سندھ اسمبلی نےکہا کہ تمام معاملات این آر او کے لئے تھا جبکہ عمران خان وزیر اعظم بنے ہی چوروں کو جیل بھیجنے کے لیے تھے۔

خرم شیر زمان نے یہ بھی کہا کہ پاکستان تحریک انصاف کے پارلیمنٹرین ایک پیچ پر ہے اور ایک پیچ پر نہیں ہے تو صرف الیکشن کمیشن ہے۔

تحریک انصاف کے رکن سندھ اسمبلی خرم شیر زمان نے مزید کہا کہ بلاول ، مریم نواز اور مولانا فضل الرحمان کو تکلیف اس لئے ہوتی ہے ملک آگے بڑھ رہا ہے۔