عالمی شہرت یافتہ گلوکار عاطف اسلم کی تصویر نے سوشل میڈیا پر وائرل ہو کر ریکارڈ قائم کردیا۔

گزشتہ دنوں گلوکار عاطف اسلم نے اپنی شادی کی 8ویں سالگرہ کے موقع پر اپنے تصدیق شدہ انسٹاگرام اکاؤنٹ پر اہلیہ کے ہمراہ اپنی نئی تصویر شیئر کی تھی جسے مداحوں کی جانب سے بے حد پسند کیا گیا۔

مزید پڑھیں

پہلا گانا کس کے پیسوں سے ریکارڈ کرایا تھا، عاطف اسلم  کا اہم انکشاف

پاکستان شوبز انڈسٹری کے معروف گلوکارعاطف اسلم نے مداحوں کو بتایا کہ...

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Atif Aslam (@atifaslam)

Advertisement

عاطف اسلم اور اہلیہ کی تصویر پر جہاں محبت بھرے تبصرے کیے گئے تو وہیں اس تصویر پر دیکھتے ہی دیکھتے ایک ملین یعنی 10 لاکھ سے زائد لائکس بھی آگئے۔

جبکہ مداحوں کی جانب سے کامنٹس کا سلسلہ بھی جاری ہے۔

واضح رہے گلوکار سوشل میڈیا پر زیادہ متحرک نہیں رہتے ہیں اور وہ اپنی اہلیہ کے ساتھ تصویریں شیئر نہیں کرتے ہیں۔

تاہم عاطف اسلم اور سارہ کو ایک طویل عرصے بعد ساتھ دیکھ کر مداح خوش ہوئے اور یہی وجہ ہے کہ اُن کی پوسٹ پر لاکھوں لائکس آگئے۔

گلوکار کی جانب سے پوسٹ کی جانے والی تصویر میں عاطف اسلم نے اہلیہ سارہ بھروانہ کو اپنی ’کوئین‘ یعنی ’ملکہ‘ قرار دیا۔

تصویر میں دیکھا جا سکتا ہے کہ عاطف اسلم اور اُن کی اہلیہ گارڈن میں موجود پُرفضا ماحول سے لطف اندوز ہورہے ہیں۔

عاطف اسلم نے تصویر کے کیپشن میں اہلیہ سے مخاطب ہوتے ہوئے لکھا کہ ’میری ملکہ! مجھے اب بھی اس بات کی خوشی ہے کہ آپ مجھ سے ملیں ورنہ میری پتا نہیں کس سے شادی ہوجانی تھی۔‘

گلوکار نے لکھا کہ ’آپ میری زندگی کی سب سے مضبوط شخصیت ہو۔‘

اُنہوں نے اپنی اور اپنے دونوں بیٹوں کی طرف سے اہلیہ سے اظہارِ محبت کرتے ہوئے لکھا کہ ’ہم آپ سے بہت محبت کرتے ہیں۔‘

عاطف اسلم نے پوسٹ کے اختتام میں اہلیہ کو شادی کی سالگرہ کی مبارکباد بھی دی تھی۔

واضح رہے کہ گلوکار عاطف اسلم اور سارہ بھروانہ سال 2013ء میں رشتۂ ازدواج میں منسلک ہوئے تھے اوران کے دو بیٹے ہیں۔

عاطف اسلم اور اُن کی اہلیہ سارہ بھروانہ کے ہاں پہلے بیٹے کی پیدائش 2014 میں ہوئی تھی جس کا نام احد ہے جبکہ دوسرے بیٹے کی پیدائش سال 2019 میں ہوئی تھی۔