وزیر خارجہ مخدوم شاہ محمود قریشی نے کہا ہے کہ پاکستان خطے میں امن و ترقی کیلئے کردار اداکرتا رہا ہے اور ہم ہمسایوں کے ساتھ امن و رابطوں کا فروغ چاہتے ہیں۔

تفصیلات کے مطابق وزیر خارجہ مخدوم شاہ محمود قریشی نے اسلام آباد سیکورٹی ڈائیلاگ کے خطے کے امن و سلامتی کے موضوع پر منعقدہ سیشن سے خطاب کرتے ہوئے کہا کہ پاکستان نے کسی علاقائی تنازعہ کا حصہ نہ بننے کا فیصلہ کیا ہے۔

وزیر خارجہ نے کہا کہ اسلام آباد ڈائیلاگ کے انعقاد کو سراہتے ہیں، دنیا گلوبلائزیشن کی بجائے واحد عالمی طاقت کے زیر اثر نظر آرہی ہے جبکہ ‏ماضی کی سائنس فکشن آج حقیقت بن چکی ہے گزشتہ سالوں میں عالمی سیاسی میدان میں بڑی تبدیلیاں آئیں ہیں۔

شاہ محمود قریشی نے یہ بھی کہا کہ دنیا میں طاقت کا محور تبدیل ہورہا ہے جبکہ دنیا میں نئے سٹریٹیجک پارٹنرشپ بن رہے ہیں اور دنیا میں نئے و جدیدی آلات و ٹیکنالوجیز سامنے آرہے ہیں۔

وزیر خارجہ کا کہنا تھا کہ پاکستان میں سرحد پار سے دہشتگردی کو ہوا دیا جارہا ہے، نئے پاکستان میں قیادت کا فوکس اکنامک سکیورٹی پر ہے

شاہ محمود قریشی کا یہ بھی کہنا تھا کہ سی پیک علاقائی خوشحالی کا منصوبہ ہے، ہم افغانستان میں امن و استحکام کا خواہاں ہے جبکہ ہم نے افغان امن عمل میں مصالحت کاری کا کردار ادا کیا ہے۔

وزیر خارجہ مخدوم شاہ محمود قریشی کا مزید کہنا تھا کہ کشمیریوں کو حق خودارادیت دینے کے لیے رائے شماری کرائی جائے جبکہ اقوام متحدہ کشمیریوں کو قراردادوں کے مطابق حق خودارادیت دلوانے کے لیے کردار ادا کرے۔